ما تفهم وما ابغي اجرحها !! شو ها الحاله طفرتني 2024.

انا قصتي قصه ويا بنت عمرها 13 سنه في اول ثانوي وانا طالبه في الكليه وعمري 21 يعني انا اكبر عنها … هذي البيت 24 ساعه ادق ع فوني كل ثانيه ما تعطي مجال للفون انه يرتااااااااااااااااح وانا مالجه وهي مأذتني اذى الله لا يراويكم ايااه كلمتها بالزين يا ماما انا اكبر عنج كلمي وحده في سنج هب طايعه وتقولي انا وااايد متعلقه فيج شرى الياهل الي متعلق بأمه … !! انزين كلمتها قلت لها ريلي ما يرضى اني ارمس في الفوون واايد وما يحب صداقات اليهال هذي .. ما فهمت .. طفررررررررررررررتني والله .. اخر مره دقت صرخة عليها وقلت لها ما اريد اجووف رقمج على فوني انتي بتسوين مشاكل بيني وبين ريلي يا بنت الناس ابتعدي عني … مش راضيه ابد لزقة عنزروووووووووووووت ..

ودقت لربيعتي تتشكى لها وطرشت لي مسج بدعي على الي خذااج مني في كل صلااه ( يعني ريلي)
انا اهني خلاص وصلت حدي قلت لا هاي شكلها ناويه على عمرها عاده كل ولا ريلي فديت روحه ..

قررت اعطي امايه الرقم وقلت لها امايه دقي لأمها وخبريها فهميها الموضووع وقولي لامها خلي بنتها تبتعد عني .. انا ما اريد مشاكل

ريلي كان يالس حذالي وجان ادق هاي البنت ورد عليها وفتن عليها وقال لها ما اريد اجووف رقمج وتمت تصرخ عليه وتقوله ما يخصك هذي مالي مب مالك ومن ها الكلام وهو ما قصر غسل شراعها .. وبعدها ما اتووووب
اطرش لي مسجات ابوس ايدج ردي عليه اريد ارمسج ..

شوووووووووو الحل برايكم هذي فيها حاله نفسيه ولا شوو بالظبط . طلعتني من طوري دورولي حل

ههههههههههههههههههه ^^ وحليلج

ان شاء الله اتحصلين حل يفكج من حشرتها

الله يعينج

فترة المراهقة وايد صعبة

طولي بالج وكلميها بالزين او كلمي امها

والحل الاخير (( غيري رقمج ^^ ))

معقولة ما رايمه عليها .. الحل الاخير غيري رقمج

حبيبتي غيري رقمج وما عليج منها راحت ريلج اهم من اي شي ثاني والله يوفقج ويسعدج

غيري رقمج وخلااااص

وحليله فتره مراهقه

غيري رقمج ^^