خواتي امي وابوي شبه منفصلين و ابوي ما يدخل ف شي من مواضيعنا
و لا كنا عياله الله يهديه
اختي زوجناها واحد مطلق وعنده ولد وبنت الريال ما نعرف عنه وايد
بس سبحان الله ارتاحت اختي استخارت مرتين وارتاحت له
والريال كان متمسك فيها …
بعد الزواج طلعت بلاويه انه عليه ديون و ومشاكل فانسجن وهوبما انه وافد فحكموا عليه ابعاد بعد
اختي ونحن تمينا ندعي له و ما قلنا له ولا كلمة مع انه قضاياه هذي من قبلا يعرس مش بعد العرس ما كلف عمره يخبر حتى اختي
عدى الموضوع وافرجوا عنه برحمة من رب العالمين و انشل عنه الابعاد ,, جا بيتنا وخذ حرمته
طلبنا منه اثبات انه ما عليه شي تم يماطل و يستهبل وخذ حرمته بالدس بعد كم يوم بدونما نعرف
قال لها بنسير نتمشى وعقب بنرد بردج بيت هلج وما ردها
وهي المسكينة ما تبا تطلق و تبا تعيش حياتها كاي بنت انسجن ريلها وهي توها عروس ما كملت 3 شهور وطلع بعد 10 شهور سجن
اتعذبت معاه سنة كملة انتظار لافراجه قالت بعوضني ريلي
و هو شكله ما اصطلب من بعد السجن ,, شو نسوي معاه ؟
و هي كيف ممكن تغيره؟
وتصرفه هذا انه شلها بالدس حب لمرته و لا انانية ؟
اشك انه يحبها مع انه يحلف لها يحبها هي كانت تسير له السجن تزوره و تسمع رمسة خواني و تتحمل وهو يوم يا لا احترمها ولا احترمنا نحن والحين مسكنها مع اهل ما عندهم ولا فلس يصرفون منه
هي تحبه وما تبا تطلق ونحن ما نباها تطلق تعرفون المجتمع الشرقي ونظرته للمطلقة
شو الحل خواتي كيف تغيره و كيف تتصرف معاه؟
(الزواج قسمة ونصيب لا حد يعاتبنا و يقول ما سالنا عن الريال سالنا وايد ومحد كان يعرف عن الديون
وانا مؤمنة بان المشكلة مهما صعبت لها حل باذن الله ,, اتريا حلولكم حبيباتي )
أصلن كيف تزوجوها لين واحد وافد و مطلق و عنده عيال
و ديووووون و أهله ما يروموا يصرفوا على عمرهم و فوق هذا راعي مشاكل
الله يكون في العون
up
up
يمكن القصه متشابه
الله يوفقها
غاليتي 
أختج الحمدلله استخارت قبل لا تتزوج
سواء وافد أو مواطن أو تشيكي
دامها استخارت رب العالمين فأكيد هذا الشي فيه خير حقها
يمكن بعدكم ما تشوفون الخير ,, بس يمكن أختج استانست لإنها عرست
وشرات ما فهمت من القصة ,, هي ماكانت ادور الماديات والجاه والجنسية كثر ماكانت تدور الستر
وعشان جي وافقـت على الريال رغم ظروفه
وأنا ما ألومها هذا قرارهـا
بس أختي في نفس الوقت الريال مب بيدكم تصلحونـه
اذا هو داخل نفسـه ما يبغى يتغير
ترى محد يغصب حد على شي
واذا ضغطتو عليه يمكن يقنع اختج يسافر ويشلها وتستوي المشكلـة أكبــر..
أكيد قلبكم على أختكم وهذا حقكم ^^
بس في نفس الوقت غاليتي اذا اختكم ما طلبت مساعدتكــم أنا نصيحتي انكم تخلونهم يحلون مشاكلهم بروحهــم
وهو اذا ما يحبها ما أحيد بيرد لها والله تعالـى أعلم
وهي اذا ما تحبــه ما أظني بتسير وياه حتى بدون رضاكـم
وهذا الشي طبيعي مهما كان بعدها على ذمتـه والحرمـة تسمع كلام ريلها ^^
انتي اذا تبغين تنصحينها انصحيها بعلاقتها مع رب العالمين ^_*
وانها تتقرب منه وتداوم على الإستغفار وتدعيه ورب العالمين يستجيب دعوة الداعي اذا دعاه ^^
وتتفاءل بالخير وان شاء الله ما بتخيب
وانتم هذي أختكم وتبغون لها الخير فلا تبخلون عليها بدعاءكم في ساعات الاستجابـة ,, وخاصـة الوالدة دعوتها مستجابـة باذن الله
وربي يوفق أختج للي فيه الخير
الله يهديه انشالله ويسخرهم لبعض