انا أحس عمري ما عندي حد ينصحني من انا صغيره وقراراتي كلها بيدي يعني نفس ما أنقول أهلي خلوني اكتشف الدنيا هاي بروحي الوالد الله يرحمه متوفي اليوم انا صغيره وأمي الله يحفظها تفكيرها بسيط وعلي نياتها ماكملت تعليمي خلوني علي راحتي وحتي زواجي محد عطاني رأيه أبد والله وكل قرارتي عقب اندم عليها أحس محد ينصحني أيقولي سوي جي وهذا الصح وهذا الغلط وااايد أشياء لين الحين انا ندمانة عليها والله اللي نفس حالتي تشتكي حق امنو او تأخذ رأي منو صدق اليوم قالو الحياه تجارب وانا حياتي كلها تجارب ومغامرات والله أحيان كثيره ودي حد ينصحني او يعطيني رأيه بس ماالقي حد في حد شراتي والحمد الله علي كل حال اللهم لك الحمد والشكر حبيت افضفض اللي بقلبي
(( ورب اخ لم تلده امك ))
والتجارب الي مريتي فيها تعلمي منها يعني انتي جربتي كذا شي اكيد في شي غلط وفي شي صح ..
هذه يسمونها الخبرة ولاتنظرين لحياتج بهالنظرة السلبية
لو محتاجة نصيحة معينة استشيري اي حد تعرفينه او حتى استشيري هني بالمنتدى ..
واحسن شي انج تتعلمين بروحج خذي كتب واقري واستفيدي منها
دوري شي تحبينه هواية تمارسينها واقري عنها بعد
اذا حابة تكملين تعليمج كملي ترا وايد كبار في السن يكملون تعليمهم ماقالوا والله فات الفوت وهالسوالف
تقدرين تصنعين حياتج بالطريقة الي تبينها وخلج متفائلة ولا تيأسين
الله سبحانه … يكفي بس انج تفرشين سيادتج وتدعينه انه يبين لج الصح من الغلط يكفي انج ترفعين ايدج وتقولين ربي فوضت أمري اليك وبتشوفين أمورج كلها تمشي … يكفي تقولين ربي سخر لي من جعلت حاجتي بين يديه .. الدنيا هاي كلها تمشي بمشورة الله وصدقيني الناس لا بيدها تنفع ولا تضر وياما ناس خذنا رايهم وما وصلونا إلا للدمار .. صح وجود الأهل الأصدقاء مهم بس لا تخلين هالشي يحبطج ويخليج تحسين بالوحده مجرد ما تفوضين أمرج لرب العالمين بتشوفين الله يسخر لج الناس اللي تعينج في أمرج وتيسر لج اللي ربج كاتبه لج ..
السموحه طولت عليج غلايه بس اللي بغيت أوصله ان نحن عندنا رب نقدر نلجأ له في كل صغيره وكبيره وهو اللي يوجهنا للخير
انا نفسك تقريبا متعوده اني حره وشوري بنفسي
في ناس يعطوني وجهات نظر بس دوم انفذ هواي
مرات يطلع صح مرات غلط
بس هو انا جي
كله توفيق من الله يعني في ناس يتخذون قرارات مصايب بس
امورهم تتسهل يعني شي مب متوقع
بس انتي الحين مثل ماقالت الاخت ماسه حساسة
كملي تعليمك على الاقل بيكون قرار سليم حتى لومانفع مايضر
وفي شي انا مره ناس نصحوني بل يمكن اقنعوني على شي معين
على اساس اني لو مساويته صعب امور لي تتسهل وجي وانا اقتنعت
بس بداخلي اقول لا
مشيت على هواهم بعدين ماحد فادني ونحطيط في مشكله وهم ولاعلى بالهم
بعد يحطون علي الغلط!!!!!ويشاتمون!
وبعد في المدرسه كنت شاطره في الاول ثانوي بس مشكلتي الرياضيات مب متاسسه وايد بيها
في الثاني الثانوي قلت اريد ادش ادبي اسهل لي رغم الحفظ الوايد مادانية بس امشي اموري زين فيه
المديره رفضت شافت العلامات زينه في الاول الثانوي في الكيمياء والفيزياء والاحياء
بس قالت خلوها تدش علمي غصب عني
يبت امي بعد ماخذوا على رايها على الاساس مب متعلمه
بعدين صابتني ظروف في الثانوية العامه ماقدرت ادرس عدل والرياضيات والفيزياء ضربوا المعدل كاااااااامل
زين شو اسوي؟هل فادتني بعدين المديره طبعا لا
يوم حبيت ادش جامعه ماقدرت بسبب المعدل
والمديره ا مي تعرفها طلبت منها مساعده رفضت وتخبت وراء الباب !!!!
يوم طلعت لي جامعه مريت انا وشلة من البنات نسلم عليها
وقتها اخترت ادش قسم نظم معلومات حاسب الي رغم اني مب وايد في الرياضيات بس احب الاشياء اليديده والي فيها علوم
وقلت خلاص مابغير مساري بعد مادشيته
راحت علقت علي جدام البنات تقول لي ليش مادشين انجليزي مادمت شاطره فيه لانه اعلى شي كان في الشهاده!ياسلام
يعني سوت بي مثل ماسوت بي ايام اختياري للعلمي والادبي حسب العلامات والشهاده وتباني بعد ادرس عندها في المدرسة بعد ماتخرج
انجليزي (الحضن الحنين ياربي) عشان لو ماعجبتها تطردي من اوسع باب عندها من المدرسه وهي اصلا كل المدرسين الانجليزي عندها مب الزود كل سنه او سنتين تغير واحد!
ساعتها حسيت انها نزلت من قدري جدام البنات ورفضت عرضها وقلت اريد ادرس اي تي لاني احبه وماحد له علاقه حتى لو مب شاطره في الرياضيات انا حره
دشيت اي تي تسهلت الامور وتخرجت وعديت مواد رياضيات المستوى الاول جبت امتيار والثانية بس نجحت فيه والاحصاء جبت جيدجداً
واشتغلت فتره
صح مرات اندم اقول يعني لو دخلت تخصص اسهل لي كنت مشيت اكثر بس لا
انا سويت شي في خاطري وخلاص يمكن بعدين اندم اني ماسويته بعد
والتوفيق من الله
ما تقدرين تسوين ولا تغيرين شي من الماضي وكل اللي صار وياج اعتبريه خبرة كسبتيها فهالدنيا
ابدي صفحه يديده وتعرفي على ناس يكونون لج عون مب فرعون يعينون ويعاونون تقدرين تستشيرينهم بامور حياتج وغيره
ربي يحفظج