والله يوفقها اللي بترد علي و يزاكم الله خير مقدما…
أنا ما قد سرت حج مع ذلك حبيت أساعدج …
موضوع منقول من منتدى آخر … الله يوفق صاحبت الموضوع و يغفر لهاا …
*******************************************
أول شيء جهزي شنطه صغيره
ضعي فيها:
1* أهم شيء المصحف
2* كتيب حصن المسلم (أذكار الصباح والمساء)
3* كتيب عن الحج حتى ترجعين له عند الحاجه ولاتنسين شيء من حجك
4* مناديل (صدقوني مهمه)
5* فلوس في محفظه(لو مثلا صار نفسك تشترين شيء أوتتصدقين)
6* مشط وبكلات وكحل ومقص أظافر ومقص للشعر
7* جوااااااااااااال والشاحن تبعه
8* قلم ودفتر(اذا بتكتبين خواطرك أو ملاحظاتك مثلا على الحمله …….وغيره)
&—————————————————-&
شنطة إسعاف صغييييييييره تحطينها في الشنطه الكبيره:
يوجد بها :
بندول – فكس – فازلين – مزيل العرق بلا رائحه – شامبو – ومعجون أسنان والفرشاة
فيتامين سي – واذا عندك أدويه تستعملينها أو فيتامينات خذييها معك لاتنسين
&———————————————————-&
الحين نجي عند الشنطه الكبيره حبذا لو تكون عربيه تكون أسهل لك في مشيك
1* سجادة الصلاة والجلال
2* فوطه كبيره للإستحمام وفوطه صغيره (على شان مثلا اذا توضيتي للصلاة تمسحين فيها أو كلما غسلتي……….. وهكذا).
3* على عدد الأيام خذي قمصان بسيطه قطنيه ونفس الشيء الملابس الداخليه
على عدد الأيام
4* سراويل طويله قطنيه على شان المشي الكثير ممكن يسبب حساسيه
5* مفرش (لحاف)للنوم زايد عن اللي بيعطونك اياه الحمله اللي رايحه معهم
6* أكياس زبايل للملابس الوسخه وأكياس متينه على شان تضعين فيها ملابسك وفوطك إذا جيتي تروحين للحمام للاستحمام
7* غطوتين وعبايه ثانيه لو تحتاجينها
8* ملابس حلوه للعييييييييييييد
جلابيه أو بلوزه وتنوره
9* خذي معك بسكويت أو كيك أو تمر لو مثلا تجوعين ولايكون وقت وجبه تاكلينه أو مثلا ماتشتهين الأكل اللي يحطونه لك الحمله فتاكلينه وبالعافيه…
ما شاء الله عليها ما قصرت الصراحه … الله يوفقها لما يحب ويرضى .. ..
الله يوفقكم حبيبتي ..
والأخت DeMaNyّ! ماقصرت ذكرت كل شي تقريبا
بس لاتنسين تاخذين نعال مسطحة ويستحسن جوتي مسكر ودلاغات
لانج بتمشين وايد..