واخيرا تحسن الحال!
اتصور
واخيرا صار لنا بيت
طبعا مب هني
في ولايه البريمي تابعه لسلطنه عمان وهي والعين واحد بس بينهم حدود مثل ماتعرفون خاصه بنات العين
وطلع البيت لامي لانها عمانيه
طبعا طلع لها ارض
وبنت عليها بيت بس طبعا منحه من مشاريع الاسكان في ولاية البريمي
والبناء خلص بس ينقصه الكهرباء وهي مشكله شوي توصيلها عندهم
ولكن المنطقه شوي داخل البريمي مب على الحدود مع العين
فرحت كثييييير بس في نفس الوقت زعلانه
لاني مب متخيله نفسي بطلع من العين
اكثر شي اعرف بنات في العين مب وايد بس انا لي 29 سنه في العين
يعني من يوم ماتولدت
طبعا للحين ماراح نتقل ولكن يمكن بعد شهرين ثلاثه
بعد عشان موضوع جوازي
وهذا بعد مصيبه مثل ماتعرفون
ملف في الديوان في مسقط
دعواتكم يوافقون عليه وعلى الاقل اخلص من هذي المشكله
واصير يعني مثل الناس
امانه كل وحده تدخل الموضوع
تدعي لي في ظهر الغيب وهي تصلي
مابتخسر شي
ولها بمثلها
ولا تنسون بعد اذني
ادعولها ان الله يشافيها
من مغامارات ومشاحنات والups و downs
فعلا تغير
البريمي والعين واحد مب بعاد يعني كانك رايحه تزورين ربيعتك بس في منطقه شوي ابعد عن بيوتكم بس في نفس المدينه
يعني عادي اي وقت هني والبنات يمكن يمرن علي وانا امر عليهن مايظيعن اتصور
بس بسبب الحدود شوي صار الناس يستصعبون روحتها
العين ماضيها حلو بعد في اشياء حلوه اتذكرها من الطفوله الى الشباب
المدرسه الجامعه الطلعات المولات بعد الناس الي اعرفهم بس يمكن قطعتهم او متواصله للحين معهم
الحين يوم امي قالت لازم نتقل صرت اتذكر مناطق كثيره هني ! سويتها تراجيديا على شي بسيط
والماضي يوم الامور تهدى تحسينه شي كان لابد منه يعني كان لازم يصير يمكن لانه صار
وردت الفعل القديمه من زعل وعصبيه تكون اهدى ومسالمه
من كثر مالامور الواحد خاض فيها بما فيه الكفايه
يعني خلاص هي جي مافي احسن
الحمدلله على كل حال
دعواتك اختي في ظهر الغيب لا تنسيها
وان شاءالله يكون بدايه خير
تفاؤلوا بالخير تجدوه
ربج ما ينسى حد وحاولي تفكرين بايجابيه
وان شاءالله وضعج يتحسن وتستقر امورج
سلامتج واجر وعافيه الغلا
المشاركة الأصلية كتبت بواسطة ماحد شراتي 
وان شاءالله يكون بدايه خير
تفاؤلوا بالخير تجدوه
ربج ما ينسى حد وحاولي تفكرين بايجابيه
وان شاءالله وضعج يتحسن وتستقر امورج
سلامتج واجر وعافيه الغلا
الله يبارك فيكي اختي ماحد شراتي
صح رب العالمين ماينسى حد
امي مقدمه على الارض من 2024 وطلعت في 2024 اتصور والبناء بدء في بدايه 2024
انا مفكره الموضوع بياخذ سنييييييين خاصه البناء اقول لها دوم
زين الارض طلعت كيف بنبناها؟!
وفي ناس كانوا يقولون لها بيعيها وجي
وحصلي فلوس منها واشتري بيت
وخلاص
بس سبحان الله في ناس اقترحوا عليها انها تبني بيت من منحة الاسكان
وحطوا اسمها ضمن الدفعه اليديده وخلصوه
وخلصوه يمكن في ثلاث شهور وتشطيبات والحين باقي الكهرباء
هو طابق واحد ارضي وفيه غرف ومجلس ومثل ماتعرفون الباقي من مطبخ وحمامات
يعني احسن من بلاش
بس ماتوقعت هذا الشي! سبحان الله
المهم صار لنا شي
ذاك اليوم اقول هـع صار لنا ملك
ان شاء الله يتمم على خير
تحسون اني كنت في عاصفه والعاصفه هديت الحين
عاد قاعدين نحصي الخسائر حسيت نفسي جيل من المعاناه
الله لا يبلي حد بالمعاناه الي عانيها
احس مرات ان ماحد بيعاني من بعد معاناتي لا من قبلي ولا من بعدي
الله كريم