الله يسهل على كل الحمل و يرزق كل وحده في خاطرها نونو الذرية الصالحه
انا عندي تكيس المبايض من زمان
و صراحه توني ببدى احاول احمل
لكن من زمان اراجع عند دكاتره .. يمكن شفت فوق 30 دكتورة
الصراحه ما استفدت لا من معلوماتهن و لا من اسلوبهن
كل وحده تألف من عندها
الي تقول حافظي على الرياضه و جربي طبيعي
و الي تقولي بنعطيج حبوب منشطه كلوميد
و الي الله يسامحها خذت فلوسي على تحاليل ما تسوى
و الي قالت اسوي عملية تخريم المبايض
و حد قالي والله ماله علاجات وايد
انا وايد احاتي لانه المبيض اليسار حجمه كبير و يعورني و دايما فيه نغزات
و حتى الدورة مب منتظمة .. يعني متلعوزه ..
حد منكم مر مثلي في هالتجربة ؟ شو الحل ؟
انا ما اثق في الدكاترة احسهم على المزاج …
ممكن عناوين دكاتره انتو استفدتو منهم شخصيا ..
و الي تعرف حد برع البلاد بليز تقولي
.gif "12 (46)")
وبخبرج الكلام الصح عن متلازمة تكيس المبايض:
اولا مالها سبب معين بس منتشرة بنسبة 20% في بنات البلاد
اعراضها : عدم انتظام الدورة وزيادة نمو الشعر او ظهور حب الشباب، ممكن بعد زيادة الوزن والسكري!
المشكلة في الحمل تكمن في واحد من اثنين:
أولا الدورة غير منتظمة فماتعرف الوحدة متى التبويض
أو ممكن ما يكون فيه تبويض اصلا ! فيه بويضات بس ما تطلع من المبيض لان جداره سميك!
العلاج: اولا الرياضة وانقاص الوزن… صديقيني اكتشفوا انها احسن علاج.. وانا جربته وانتظمت دورتي الحمدلله رب العالمين
إذا ما نفعت حبوب منع الحمل لمدة 6 شهور (نوع ديان) وعقب ما توقفينها بتنتظم دورتج، بس انت تبين تحملين بسرعة فما يستوي تجربين هالحبوب
عندج بعد حبوب الجلوجوفاج (يستخدمونها مرضى السكري)..لمدة 6 شهور
تنزل الوزن وتنظم الدورة وتحفز التبويض.gif "13 (34)")
وعقب الكلوميد، تجربينه 4 شهور مب اكثر، لان يضر عقب اربع شهور
وعقب اتي عملية تخريم المبايض الي ما منها فايدة!!!!
بس اقولج اعرف ناس جربوا كلوميد من اولها وما فادهم وما استفادوا الا لما نقصوا وزنهم وسووا رياضة!!
اختي جربي الحين الحجامة بعد زينة
عن المستشفى: توام زينين
انا كان فيني تكيس مباايض بفضل الله ماشاء الله الحمدلله شفيت منه شفااااااء تام
انصحج بالحجااامه اانا سويتها عند الدكتوره امل
ماشاء الله الحجااامه معجزه وحتى لو سبحان الله حملتي على التكيس بيكون حمل ضعيف
لان لازم مثبتات لان الي فيهم تكيس نسبة الاجهااضات عندهم كبيره
والله انصحج بالحجااااااااااااااااااااامه وايد شفوا من امراض كثيره تكيس – هرمون الحليب
والعقم ..
والسموحه
للرفع ربي لا تذرني فردا وانت خير الوارثين