متى حركات الجنين تقل جاوبوني لأني احاتي 2024.

السلام عليكم خواتي
أخباركم ةاعلومكم
أنا في اواخر الثامن وأشوف البيبي فديته مايتحرك وااااايد

وانا سمعت فالتاسع تقل الحركه بسبت انه البيبي يكبر ويأخذ مساحة البطن كلها ومأيقدر يتحرك

بس أنا مستغربه وأحاتي انه حركاته قليله وخفييفه نفس النبض تقريبا

خبروني هالشي طبيعي ولا اروح الدختر باقي ع موعدي اسبوع وكم يوم

جزاكم الله خير

ما ادري حبيبتي
بس لا تحاتين فديتج بيفيدونج البنوتاات هنااا
وان شاء الله طبيعي والبيبي بخير وصحه وعافيه دام النبض اوكي
وربي يسهل عليج وتشوفينه يارب

امين يارب
تسلمين حبيبتي

انا من الشهر السابع قلت الحركه فرحت المستشفى وسوولي تخطيط لنبض الجنين وطلع كل شيء سليم .. لان الجنين يكبر وتقل حركه لان مافي مساحه كافيه … بس انا افضل تسوين تخطيط عشان ترتاحين .. لا تتريين موعدج سيري قبل عشان يهدا بالج

هو متى ما ضاق عليه المكان قلت حركته واكثر شي في التاسع لكن المهم انه يتحرك والحمدلله

لا اتحاتين وسيري فموعدج واكيد بيطمنونج خير

عادي الغلا"اهم شي يتحرك حتي لو حركة خفيفه"

ابتســــم ،•••• فـ ربُّـــك مَوجــــود ، و رزقــــك مَكتُــــوب❤ وعُمــــرك مَحــــدُود . ❤ . ! كُــــن جَمِيــــلاً تَـــرى الجَمــــآل حَــــولك دآئِــــماً❤ ❤ …ابْتَســــمْ ,,,❤ , فـ مـــنَ اْلْمُمـــكنْ أنْ يجْـــعَلَ اْلـــلهُ ابْتساْمَتَــــكَ ســــراً لسَعــــاْدَة’ غَيْــــرَكْ