مجرد فضفضه وابا نصيحتكم 2024.

السلام عليكم

بنات مادري شو اقولكم بس احس هالموضوع يخلني متضايجه اغلب الوقت

يابنات انا خواتي اللي اكبر مني تزوجوا بعمري الحين وأمي هلاص تباني انا الحين اعرس !! ( اكتب اعلان واحطه ع البيت والا ع الجرايد تعالو اخطبوني هيهيهي ) المهم هاي تعليقاتي ع كلام الوالدة ربي يحفظها
بس الموضوع جد مضايقني ،، وفوق هذا تبيني حق ولد خالتي ، ولد خالتي اممم شو اقولكم مايشتغل وماعرف كيف هو مع ربه و صفاته وجيه

ومن اقول حق الوالدة ماباه لأني سبق واستخرت وما ارتحت له زعلت علي وراضيتها مع الأيام لكن الحين دوم من ينطرى موضوع الزواج تدعيلي بزوج بعيد من منطقتنا ومادري شو السبب

ابا رايكم خواتي

عادي اختي ليش تتضايجين
قوليلها اللي الله كاتبه بيصير ..
وين مكتوب لج النصيب بتروحين له سواء بعيد ولا قريب ..
وانتي ما تقدرين تتزوجين شخص بالغصب وانتي ما تبينه ..
اقعدي مع والدتج الله يحفظها وارمسي وياها بالعدال وبهداوه
و ان شاء الله بتقتنع ..

الله يكتب لج الخير و التوفيق وين ما كنتي ..

وعليكم السلام..
اختي نصيحه مني لا توافقين ع شي انتي مب مقتنعه فيه, والزواج عمره ما كان غصب
وخاصه ان ولد خالتج ما يشتغل وما تعرفين صفاته ولا هو شو ويا ربه
استخيري مره ثانيه واللي كاتبه لج ربج بيصير
الله يوفقج

اختي الزواج قسمة ونصيب
وما عليج من كلام امج اغلب الامهات يتمنون بناتهم يتزوجون لان هذي سنة الحياة انتي ما تزعلين نفسج من كلامها
وزين انج استخرتي
الله يرزقج بالزوج الصالح يارب

الله يكتب لك كل خير

لو لج نصيب تعرسين بتعرسين
بس لا تاخذين واحد مش مقتنعه فيه بس لمجرد انج تبين تعرسين