اليوم حبيت أكتبلكن طريقة المحاشي السورية
بصراحة أنا قرأت كل مواضيع المحاشي يلي إنتو كاتبينها بس ولا طريقة متل مو نحن منساويها
للأسف مابحسن نزل الصور لإنو مابعرف بس إن شاءالله المرة الجاية بنزلكن ياهن
عنا بسورية طريقتين للمحاشي
الأولى برز ولحمة
والتانية ياحلوين بالخضار والحامض والرز يلي هي منسميها اليالنجي
الأولى:كوسا حسب الرغبة _باذنجان حسب الرغبة_فليفلة حسب الرغبة_ورق عنب
الحشوة:أرز مصري_لحمة مفرومة
نغسل الأرز ونصفي عنه الماء نضيف إليه اللحمة المفرومة وملعقة سمنة أو زيت والبهارات عبارة عن مقادير متساوية من الكمون والبهارات المشكلة والفلفل الأسود والكركم ورشة خفيفة من الكزبرة اليابسة وبس
بعدين نخلطهم كتير منيح طبعا ماننسى الملح
وبس نبدى نحشي الكوسا والباذنجان والفليفلة وورق العنب
طريقة الطهو:نصف المحاشي في طنجرة ورؤوسهن لفوق مشان ماتطلع الحشوة أو نحن منسكر رؤوسن باللب يلي بيطلع من الكوسا وورق العنب ياأما لحالو منطبخو بطنجرة لإنو صفته غير أو منربط ورقات العنب مع بعض بخيط ومنحطهن بنفس الطنجرة
بعد مانصفن بالطنجرة نضيف الماء حتى يغمرهن
وبعد ماتبلش الماء تسخن شوي نضيف صلصة البندورة ومنضيف بعد شوي كمان الثوم وأخر شي منضيف ملعقة نعنع يابس صغيرة
وبالهنا والعافية وإن شاءالله تكونو فهمتو علي وتكون عجبتكن
رح نزلكن اليالنجي بموضوع منفصل ويلي بتحب ساويلها تكرم عينها
تسلم ايدج .. أحس إني شميت ريحة المحشي ههههههههههه
المرره القادمه ان شاء الله
ماقصرتي ننتظر وصفاتك
أنا أحب وااااااااااااايد ( الشيش برك ) ممكن تنزلين لنا الطريقة ،،
ومشكووووووورة ،،
المشاركة الأصلية كتبت بواسطة sad girl 
تسلم ايدج .. أحس إني شميت ريحة المحشي ههههههههههه
الله يسلمك حبيبتي
المشاركة الأصلية كتبت بواسطة فرح الحلوة أنا أحب وااااااااااااايد ( الشيش برك ) ممكن تنزلين لنا الطريقة ،،
ومشكووووووورة ،،
تكرم عيونك ياغالية إن شاءالله بنزلها بموضوع لحالو منفصل لعيونك