محتارة بين الطبيعي والقيصري 2024.

خواتي طبعا أنا فبجري الاولي ولدت طبيعي الحمدلله .لكن اتعرضت لمشكلة اللي هي وقت البوش البيبي جرحني من داخل جرح داخلي عميق اشوي ولا يلتئم فلما خلصت ولادة قالو لي بندخلج عمليات فبنجوني وخيطوني من داخل انتو عارفين المنطقة للتوضيح بس وسوري ع الجرأة من داخل يعني منطقة×××××.وعقب ماخلصت الاربعين رحت اشيك فخاص قالو لي الخياطة متبطلة حسبي الله ونعم الوكيل فيهم يوم لعبو فيني فالعملية لعبان كانت ومن الساعة 12 الظهر لين 4 العصر مالت الجرح ورحت وكويت الجرح مرتين وتلعوزت وقام يلتهب عليه ..
وهالشي من سنتين وللحين اعاني من الألم وقت ××× وتمييت اعالج الجرح شهر كامل ع التحاميل البيتادين والكريمات الصبح والمسا ..آخ بس شو بقول وللا شو بشكي ..
والحين حامل وخيفانة تتكرر نفس المأساة اولد طبيعي عسب لا ينفتح الجرح من داخل واتلعوز وعمليات وغيره من اول ويديد ..ماتعرفون خواتي حجم المعاناة اللي عانيتها مع الجرح الداخلي والركيض فالعيادات والحالة النفسية ..
فاألحين شوركن أولد قيصري بدل هالبهدلة..

أنا شاورت وحدة من الدكاترة جان تقولي احتمال ينفتح الجرح مرة ثانية ..وتعرفون عاد المستشفى يمنعون من الجماع عسب يلتئم الجرح ..والريال شو يصبره ..عاد عن ×××..
شوركن
حد مر بها المعاناة خففو عني ماقادرة اكلم حد فمضوعي أحسه حساس وكارهه نفسي .واخاف اقول لريلي وهو مايبا اولد فيصري أخافه مايطيع يوقع ع القيصري..
ادعو لي الله يفرج همي

سبحان الله وبحمده سبحان الله العظيم

الله يكون فعونج ياربي معاناه .. انزين اسالي افضل دكتوره توثقي برايها ..وان شاءالله الاخوات يفيدنج

اكيد قيصري افضل
وريلج اكيد بيتفهم معاناتج

الله يسهل عليج ولج الأجر

في حالتج انصحج بالقيصريه
تجنباً للمشكلات الطبية اللي مريتي فيها
توكلي ع الله

وراجعي في موضوع نزلته عن القيصريه والطبيعي والبنات ما قصروا فالردود يمكن يفيدج

وينكن خواتي لاتبخلو علي بتجاربكم ..الله يرزقكن الجنة

اختي يمكن برا الجرح ..لان القيصريه بعد عمليه ولحمدلله تبرا ونتشافا ربي يسهل عليج وعلينا