محتارة في لِبس البيبي اتمنى تساعدوني 2024.

السلام عليكم ورحمة الله وبركاته
حبيباتي بغيتكن تشورنّ علي في ملابس البيبي
انا الحين في الشهر الثامن وباديه اتشرى للنونو
بس داير راسي ما اعرف اخذ شتوي والا اللبس القطني العادي ؟!!!
وشو القياسات اللي لازم اشتريها ؟!!

اتمنى تساعدوني لا هنتوا

اشكر اللي مرواّ وتعايزوا يردوا علي و لو بدعوة طيبة

بالسلامه ان شاء الله .. أنا أشوف ما يحتاي تأخذين لبس شتوي ، خذي أقطان و اهم شي آلافرولات حق اول شهرين و اذا كان الجو بعده بارد تراج بتلبسينه جاكيتات و داخل البيت أوردي. فيكون متقمط و مدفي …

هلا عزيزتي نصيحة اولا لا تكثري من الملابس مال الاشهر الثلاثة الاولى لانة بسرعه البيبي تبارك الله يكبر في هالاشهر وما يلحق يلبس الملابس كلها ونوعي في اللبس بس خدي اغلبها مب ثقيله ولا خفيفة يعني قطني كوم طويل وكده
تمم الله حملك علا خير

ممممم أنا نصيحتي لج لا تاخذين لبس بتيت petit لانه الياهل ما بيستفيد منه.. ماشا الله بسرعة يكبرون وما يلبسونه. وفي النهاية خذي لبس بالاعتماد على وزن البيبي. والله يقومج بالسلامة ان شا الله. *

الله يقومج بسلامه ان شاءالله

اشتري الاوفارول من نكست خامته قطنيه مناسبه جداً للجو البارد او المكيف اذا الجو حار .. وفتحه الرقبه في لبس نكست زينه مب واسعه نفس باقي الماركات وأشتري الملابس الداخليه بكم طويل .. هذا اللبس يناسب جو الغرفة خاصه انه بيكون مقمط وملفوف بلحاف واشتري قبعه قطن لراسه خاصه بعد ما تسبحينه او لما تطلعينه من غرفه لغرفه في البيت. واشتري لبسه صوف مثل الفرو مقاسها كبير عن مقاسه تدخلينه فيها اذا رحتي مكان بارد( مستشفى – سوق …)