حبيت تشاركونى موضوع التحهيزات لغرف الولاده من مفرش وتقديم الاكل والمشروبات للزوار
وانا ما عندي فكره عن الشي الدارج ها الايام
انا ما جهزت مفرش للسرير …الصراحه ما كان عندي وقت ..بالاضافه الي السعر المبالغ فيه
يعني مفرش سرير مستشفي علي 800 درهم …احسه وايد
وشو بسوي به بعدين …ما بقدر استخدمه
شو اسوي بالنسبه حق ها الموضوع مب عاااارفه؟
انزين
وشو عن الحلويات والفطاير او البسكوت والازم منه من وين اطلب
اتشاور علي بيتزا قيصر من الصغار شو رايكم فيه ينفع والا لا
وحلويات افرينا
والفطاير ما ادري والله بعدني محتااااره
وعن العصاير ؟ اييب فرش من الكافتريا …بس ما بيتم ..بيسود بعد فتره ..احس ان عصير المراعي افضل
وهل اصبه في قلاصات او اييب بلاستيك احسن
وبعدين شو لازم يكون موجود غير (( قهوه وجاي ))
الي تعرف ما تقصر وياي ويزاكم الله خير
بخصوص الاكل في وحده تسوي هالسوالف فقلت بطلب من عندها…. بس بجرب اول شي كلها اذا حلو فبععطيج رقمها
و طقم الولاده لين الحين ما سويته….بسس اذا تبين سعر اقل من 800 درهم… اذا عندج ديزاين محدد في بالج سيري المحلات اللي يفصلون ستاير تراهم يسوون اطقم الشبريه بعد فيمكن بيكلفج أقل … انا بشوف و بقارن بين الاسعار و بخبرج… و بس هذا اللي اذكره الحين… اذا اتذكرت شي ثاني بخبرج عنه
هيه صح بخصوص المشروبات… احسن المعلب احسن من الفريش… و المشروبات الساخنه مثل القهوة والشاي و الحبه الحمراء…
up
عايشة وياكم نفس الموال
ادور من منتدى لين الثاني ادور ايدد السوالف عشان ابدأ اجمع افكاري
الحين قررت الاكل كله بييبه من كافيه لافيتا اللي موجود في قسم مؤسسات و محلات تجارية اهني في المنتدى و بسويه على فترتين صباحي شبه ريوق و مسائي سناك بس بعدني اتريا يحطون سوالف يديدة زيادة لاني بربي في الصيف و هم بين فترة و فترة يغيرون
و ناوية اييب وحدة من عندهم تسوي سيرفس او وحدة من شغالاتي بشوف
الحين الاكل و حليت موضوعه و المشاريب بعد من عندهم بس ما اعرف اذا يسوون حبة حمرا و هاي السوالف قلت باسألهم يوم بكون جاهزة اعطيهم الاوردر
لاني بربي في الصيف ف بحاول الاكل يكون سناك خفيف و مشاريب و حلويات باردة
بس لازم شاي و قهوة و هاي السوالف
الفراش شكلي باخذ فراش سادة من دبنهامز و بحط فوقه الشال الخفيف و عليه تطريز او شك بشوف على حسب لاني ما اخترت الالوان
و بحاول ثيابي و اثياب البيبي يكونون قراب من بعض في الالوان
شكلي بسوي باقات ورد صغيرة بوزعها في الغرفة
و يالسة احاتي التوزيعات لين الحين ما استقريت على شي
طبعا ما بحط زولية في الغرفة لاني بربي في ان ام سي في الغرفة ال في اي بي اذا الله راد و اصلا ما شا الله غرفهم روعة
طقم الدلال باخذ لون فضي او ذهبي عشان اقدر استخدمه في البيت بعدين
يبيعون طقم كامل مكون من كاسات و استكانات و فناجين قهوة هذا اللي باخذه
صحون الاكل بخلي الكافيه اييبهم + الملاعق و الشوك و هاي السوالف
شكلي باخذ ستاند حلو حق التوزيعات
و بس
دخيلكم اللي عندها خبره تفيدنا بالذات في سوالف التوزيعات والمفارش لان باقي السوالف سهله ..