مدرسة الامارات الوطنيه 2024.

السلام عليكم ورحمة الله وبركاته

شو رايم في هالمدرسه ؟

3- مدرسة الامارات الوطنية
صوت واحد ضدهاوالسبب انهم ما يرجعون كتب او اي شي مع الطالب يعني الأم ما تعرف شي عنه. و الصوت الثاني اللي ضدها قال انها من سيئ لأسوأ. بالمقابل 3 أصوات مع مدح المدرسه و قالوا عنها فيها اهتمام باللغه العربية و الدين.

خواتى وانا اضم صوتى لصاحبت الموضوع لخواتى اللى عيالهم يدرسون فى هااا المدرسه توفر لنا المعلومات الوافيه عن هاى المدرسه اهدافها سياستها شو اخبارهم بالدين اسئله كثير اتمنى الخوات ما ايقصرن

ام هنوده

غاليتي ام استوعب الموضوع تمام

ولاكني اايد المدارس التي تطلع وتشارك الأهل في كل كبيرة وصغيرة

عن ما يتعلم ولدهم وما الطريق التي يسلكه

هذى والله ولي التوفيق

تقبلي تحياتي واحترامي

دمتي بود

أنا ولدي يدرس هناك لين ألحين معطين كل المواد حقها الدين مثل العربي مثل الإنجليزي مثل الماث مب مركزين على الإنجليزي بس أهم شي عنهم أخلاق الطالب و سلوكه في المدرسة و هذا كله في بتشوفينه في دفتر متابعة الطالب و يهتمون بالأنشطة بعد مثل الرياضة و السباحة و الرسم و الموسيقى ،، و المطعم عندهم نظيف وايد و يطرشولج جدول إسبوعي بوجبات الريوق و الغدا و بعد عندهم مسؤولة تغذية إطرشلج كل فترة عن قابلية الطفل في الأكل هل يجرب أصناف جديدة هل ينهي وجبته ، أممممممم بعد الباص يديد و فيه مشرفة فلبينية و كل كرسي عله اسم الطفل و مايتحرك الباص إلا إذا الطفل حط حزام الأمان و يعطونج رقم موبايل السايق في حاله أي شي . و مدرسة الصف تكون أجنبية و معاها مساعدة عشان التواصل باللغة الإنجليزية .
بالنسبة لمتابعة المنهج و شو خذ الطفل كله بتشوفينه بالتفصيل الملل في دفتر متابعة الطالب و يطرشون واجبات بس الحمد لله مب وايد متعبه و الكتب اتم عنهم في المدرسة عسب الطالب ما يشل كتب وايد في الشنطة.

عيالي الأثنين في هالمدرسة …. الأهل يعرفون كل شي عن عيالهم لأن المدرسات ما يقصرون كل شي يكتبونه في دفتر المتابعة اليوميه …. لدرجة اذا كان زعلان او مبسوط أو متضارب مع أحد يكتبون لي في الدفتر ….ويكتبون شو خذوا في اليوم الدراسي … وشو تعلموا
ويطرشون الواجبات اليومية … وبعدين المدرسة عندها اجتماع أولياء الأمور كل ربع سنة عشان تعرفين مستوى عيالج في الدراسة و المستوى السلوكي … وعندهم مكتب خاص بأولياء الأمور لأي ملاحظة أو مشكلة
المدرسة وايد ممتازة …. وما عليها كلام

وان أضم صوتي لخوااااتي المدرسة في منتهى الروعه بنتي وولدي هناك والحمد الله ما شفت الا كل خير اتابع كل شي عن طرق الكيميونكيشن بوك المدرسات ما يقصرون يكتبون كل شي صار و الواجب المطلوب من الطفل ودايما ايطرشون واجبات في اللغة الانجليزية والعربية والدين والتربية الوطنية والماث وغير عيالي صار شطار في استخدام الكمبيوتر مع انهم باليجي والصف الاول واذا اواجه اي مشكلة اتصل بالرقم المجاني لأولياء الامور والمشكله تنحل في اقل من 10 دقايق والحمد الله عيالي مستانسين وانجليزيتهم روعه حتى ايعلمون الاطفال الابداع وتنمية المواهب روعه روعه روعه