مدرسة الصنوبر في العين 2024.

مرحباااا بنات انا مشكلتي ولدي في الkg1 في مدرسة الصنوبر الي في العين وبصراحة ولدي ما استفاد اي شي من هذي المدرسة لا يعرف لا حروف ولا ارقام ولا شي مع انه قبل ما ادخلة المدرسة مدحولي اياها و ايد ويوم سرت المدرسة وقلتلهم ولدي ما يعرف يقرا ولا يعرف شي قالولي انة الولد ما ينتبة ولا يحب يكتب بس يحب يلعب و قالتلي المس غيري صفه هم فاتحين صف يديد فيه بس 7 طلاب لانه كلاسة فيه 25 طالب والولد احين من نقلتة اسبوع تقريبا وما احس انه تحسن ومسكين احس انة نفسيتة تعبانة كل يوم يصيح يبا يرد الكلاس مالة ويبا ربعه الي في الكلاس وانا محتاره شو اسوي وياه ارجعه كلاسة الاولي ولى اخلية في الكلاس اليديد يكمل والله ما اعرف الولد كاسرلي خاطري شو رايكم ؟والي تعرف روضه زينة في العين تخبرني علشان اسجلة kg2 لاني تعقد من هذي المدرسه بيز ردن علية ضروري اتريا الرد

للاسف ماعرفها ولا كان فدتج

الغالية ماعرفها لان ولادي بمدرسة الاضواء وبغيت اغيرها لهم السنة الجاية وبعد محتارة وين احطهم

لااا الصراااحه المدرسه روعه وااايد حلوه و واايد زيينا و انا فيها و يمكن ولدج مااينتبه خلييه ف صفه و قووليله اذا تبا ترجع صفك انتبه ف الصف و سأليه هاا شو ساوييت ف المدرسه و طلعي كتبه درسيه !!! المدرسه هااي الصرااحه بناات العين اكثر شااي ايوونها و واايد زيينه ولدج يبا يرجع مشتااق حق ربعه يبا يسولف و يلعب معااهم!

مرحبا حبيبتي لأجتهدي مع الولد بروجه مابيعرف لزم تكوني معاه درسيه فهميه الاحرف بالاشارات والحركات أنا جذي أدرس عيالي مب شرط من المدرسه منج أنت بعد همتج مع الولد لاتهملينه في هذا السن بتدندمين طول عمرج وسلامتج

الصراحه مدرسة الصنوبر لا يعلا عليها
وااااايد زينه

انا عيالي بالصنوبر
اكبرهم صف 6
صراحه تاسيسهم وايد اوكي
يطلعون من الكيجي يقرون قصص بالعربي والانجلش
ومتابعة المدرسين حلوه
بس بعد يبا متابعه قويه بالبيت