مدرسة غرين وود و مردف الحاصة شو رايكم ؟؟ 2024.

وعليكم السلام

جرين ود
لفيت المدرسه مرتبه
بس اللي ما عيبني عزج الله الحمامات اعتقد من صف اول ( ما اذكر زين ) لين اول ثانوي مشتركه
ما يصير يخلونهم مع بعض بس حماماتهم وايد نظيفه

شفت وحده من ارباعتي عيال اخوها عندهم اعتقد من سنه بس صف ثالث وثاني تقول ماشي حالهم
سألت امهات يايين يسجلون عيالهم لمراحل اكبر قالو سمعو انه المدرسه عندهم قوانين شديده شوي
وهم يحبون جذه ما ادري شو يقصدون من الشده يمكن منظمين وايد

ما ادري عن تدريسهم شقا بالنسبه لي قبلو ولدي صف سادس ساير بس انا تراجعت وما سجلته

ان شاء الله الاخوات يفيدونج عن طريقة تدريسهم ومستواهم لاني ما عندي فكره وهالشي اهم

بس اعتقد اذا روضه ( في كل مكان الروضه زينه )

واذا بسجلين ولدج الله يحفظه بس روضه سجليه ما اعتقد فيه مشكله توكلي على الله الروضه منفصله عندهم اظني

المدرسه عموما نظيفه

بسألج

الغاليه وين مكانها مردف الخاصه واشوه مستوى تدريسهم

تسلمين الغالية و بالنسبة للتشديد بروحي من قبل مودية ولد ثاني اسجله

و لكن ما سجلته (هالمرة مجبورة اسجل اخوه مكان جريب)

لان قوانينهم مال ايام امهاتنا شوي!

مثلا ما يقبلون ان كان شعر الطفل شوية طويل و لازم مثل مال اول يكون موووووووووووووووول

قصييييييير

وايد عندهم قوانين معقدة و قديمة و لكن انا ابغي بس للكي جي لا غير

الغاليه اذا للكي جي

توكلي على الله

اذا المدرسه جريبه منكم

وشوفي هالروابط يمكن تفيدج

https://forum.uaewomen.net/showthread.php?t=339243

https://forum.uaewomen.net/showthread.php?t=70764

https://forum.uaewomen.net/showthread.php?t=54819

https://forum.uaewomen.net/showthread.php?t=115457

مدرسة مردف الكي جي1 22000 الف … دبل السعر في المبنى الجديم

بس سمعت انه جرين وود واايد متشددين ويحفظون كي جي 1 الارقام من 1 لين 100 … حشا يبوك يعني كله حفظ عندهم

اختي اذا تقصدين جريين وود اللي ف محيصنه التسجيل عندهم اظني خلاص ويكون ف علمج ما يقبلون الا اللي عنده اخوان ف نفس المدرسه وانا بعد قابلت الناظره وقالت لي نفس الكلام لاني كنت ناويه اسجل ولدي وقبل الناس كنت سايره عندهم ويوم سسجلته قالولي بنحطه الانتظار ليش قلت لهم اونه الاولوليه حق اللي عندهم اخوان ف المدرسه سبحان الله يمكن ماله نصيب ف هاي المدرسه وسبحان الله سهلي كل شي وسجلته ف المهارات الحديثه الخاصه يمدحونها لي انا سالت ا ولياء الامور ومدحولي اياها وسرت وسجلته وسوي له امتحان والحمدالله قبلوه ف اقل من يومين شوفي يوم الله يسهل كل شي وياخذون 500 رسوم مقعد وياخذون ع كجي ون 15الف 250 والصراحه يمدحون الدين يحفظونهم اذا تبين اي شي انا احاظره

تسلميييييييييين غناتي

22000!!!! اكيد اقساط البناء!!!!

و الغرين وود مب وايد مقتنعة بسبب عقليتهم القديمة و لكن قلت يمكن حد يمدحها

تسلمين غاليتي
ولدي الثاني درس سنتين في المهارات(كي جي 1 و 2) و ماشاءالله اوكي

و لكن من صف الاول الى فوق ابد ما يمدحونهم و الكي جي مب كل المدرسات اوكي

نحن بضرابة حصلنا ميس عايشة (خلاص ردت بريطانيا) و مس ان

و لكن كانوا ب 12500 و مبين مغلين السنة