بنتي عشهر تسعه بتدش kg1 سجلتهاا بمدرسه جيمس بخليفه A لكن طلع في عيب واااايد كبير اكتشفت ان المدرسه فيهااا ثلاث سنوات روضه وهم سجلوا بنتي روضه اولي عحسب سنهاا وبيكون عمرها 3 سنوات وتسع شهور يعني مو صغيره وتدخل حكومي عادي واذا كملت عندهم بتتاخر سنه عن باجي اليهال اللي بالمدارس الثانيه
انا اول مره اسمع kg3 المهم هي انقبلت ففكرت آني اخليها فيها سنتين عقب انقلها عصف اول مدرسه ثانيه وما ادخلها kg3
بعدين دقوا علينا الياسمينه ،بنتي كانت بالويتنج لست وديناها الاختبار اليوم بس فهمونا ان ما عندهم سبيس ولو انقبلوا بيدرسون بس هالسنه بالياسمينه عقب بينقلونهم مدرستهم اللي بالمشرف لاان المدرسه حالياا مغلقه للصيانه
ما ادري صار فيني صداع من التفكير انا احب المنهج الامريكي نفس جيمس فآفكر تدرس سنتين فيها عقب تنتقل آكاديميه زايد هل هالشي سهل ولا شو تتوقعون ،خص انها مدرسه بنات ،تقدر تكمل فيها بينما لو دخلتها مدرسه ثانيه بطلعها عصف ثاني او ثالث لان ما احب الاختلاط والغريب ان مدرسه جيمس و اكاديميه زايد تابعين لبعض فليش جيمس يدخل الطالب صف ا،ل متآخد بينما اكاديميه زايد لااا
ولا اخليها بالياسمينه بس ما اريدها تنتقل المشرف لاني ساكنه بخليفه
ساعدوني والله احترت مع هالمدارس استغرب ان من شهر 1 كل المدارس فل والويتنج لست متروس
كل موضوع آحطه اكلم فيه نفسي هههه
يا ليت اللي عنده خبره تجاوب واللي ما تعرف ترفع الموضوع
وجزاكم الله خير
