شحالكم بنات ؟
اممممم انا حابه اخذ رايكم في موضوعي واستفيد من تجرابكم
بنات انا عندي صداع نصفي متعبني وايد وكل ماله يزيـــد
المرض يمكن فيني من 8 سنوات من كان عمري تقريبا 12 سنه
بس كان ع الخفيف وكنت اخذ البندول بعدين صار مايفيدني ابد رحت للبروفين
بعدين صار مايفيدني ورحت للدكاتره
سويت تشخيص للراس
وطلع عندي جيوب وتضخم بالغده النخاميه او على قولة الطبيب نشاط بهالغده
وعسب جيه تفرز هرمون الحليب بقدر اكبر من الازم
وهالشي يسبب تأخر فالدوره الشهريه طبعا
موضوعي اليوم مب موضوع التخربط بالدوره وهالامور
بس انا حابه اسألكم عن اللي عندها تجارب في مرض الصداع او سمعت او تعرف طبيب شاطر
في اخر مراجعه لي الدكتور قال لي ببدا معاج علاج بطريقه جديه
لاني اعالج معاه من 4 سنوات وماكنت اخذ الا الدواء البديل عن البروفين اللي هو
( IMIGRAN ) وانا بعد تعبت من هذي النوبات
حتى صرت ما اكمل شغلي ولا احب اطلع في الشمس وكله ماقدر اسوي شي
سوالي تشخيص مره 2 وقال لي
ان عندي صداع نصفي نوعين
هو غالبا يكون نوعين والمرضى يكون فيهم نوع واحد
وحالات نادره يكون فيهم نوعين
طبعا انا فيني النوعين
النوع الاول اللي هو الصداع ماله مكان محدد وكل مره يكون في مكان او في الراس كله
والنوع الثاني ان عدد النوبات في الشهر تكون كبيره 18 مره او 16 الخ
و قررنا ناخذ الدواء ونلتزم
اللي خوفني ان مافي دواء خاص لمرضى الصداع النصفي
بس في ادويه لبعض الامراض وياخذونها مرضى الصداع
عطاني خمس احتمالات
دواء لمرض الصرع وينفع ياخذونه مرضى الصداع النصفي واعراضه حركه غريبه عند الفم ونقص في الوزن طبعا خفت اخذه
الدواء الثاني لمرضى القلب وينفع ياخذونه مرضى الصداع
واعراضه زياده في الوزن
وادويه وايده
طبعا قررنا ناخذ دواء لمرضى القلب والضغط المرتفع اللي هو ( INDERAL )
واخذ معاه دواء للمفاصل الوروماتيزم والنقرس الحاد اللي هو ( FELDENE ) حبه وحده اليوم
اللي خوفني اني اخذ 6 حبات في اليوم
يعني 60 mg وحسيته وايد وانا صار لي 4 سنوات اعالج
وارفض اي علاج والدكتور هالمره عصب علي وقال لازم تاخذين هالدواء
انا دورت عن هالدواء وهو يوصف بعد للناس اللي عندهم حالات نفسيه وكآبه
يعني بصراحه شي يخوف غير ها ان الجرعه وايد كبيره
احس تضر بالجسم
خصوصا اني اخذ دواء الكلوكوفاج عشان يقلل من افراز هرمون الحليب حبتين فاليوم
وخذ دواء فيتامين بي 12 حبتين في اليوم
يعني اجمالي الادويه اللي اخذها تقريبا 12 حبه فاليوم
انا خايفه ان لها اضرار ع الجسم كل هالادويه
هالكلام صار امس
وانا قلت بستشير وبصلي استخاره
وبعدين بشوف اذا اخذ ع كلام الدكتور او لا
والسموحه ع الاطاله بس حبيت اتكلم بالتفصيل للأستفاده
بس إذا ما خذتيهن شو بتسوين؟؟
و ان شاء الله انتي و الخير ربع
انا كان عندي صداع نصفي
و الحين نادر ما ييني
واسالي اكثر من دكتور متخصصين في هاذى المجال احس الادويه هذي قويه وبعدين بيتعود عليها جسمج
والله لو اعرف شي ماببخل عليج
والله يشفيج
الغاليه انا فيه الصداع النصفي او اسمه الشقيقه من زماااااااان و لا خليت ولا دكتور في الدوله ما سرت له ولا حبوب ما كلتهن ولا شي فايده
وبعدين سافر امريكا وكشف عليه الدكتور وقلت له اذا زاد وزني تيني نوبات شقيقه و تشنج واتعب وااايد قالي خلي وزن يزيد وانا بشوف حالتج ولا خليت شي ما كلت زاااد وزني بسرعه
ولا كلمت فترة يتني نوبه الشقيقه مرتين في الاسبوع
قالي لازم ينقص وزنج والماكسيموم 58
والحين احاول احافض على وزني بس والله ازيد بدون ما احس 
اول شي لا تاكلين اي حبوب بعطيج اياهن الدكتور
وثاني شي …
خليج بااااااااااااااااااااااااااااااارد لا تعصبين وكوني اغلب الوقت في مكان هادي ولا تاكلين وايد حلاوه ولا اجبان
وخاصه المنبهات مثل القهوه والشاي ونص كافيه
والله يشفيني و يشفيج