عندي استفسار اذا اي وحده سارت مركز السهول لتقويم وطب الاسنان في الشارجة الي في الكريستال بلازا
(العيادة لها فرعين في دبي والشارجة لكني اسال عن الي في الشارجة بالذات)
مع اي دكتور تعاملتوا وكيف هي العيادة واسعارها
لاني محتارة بين عيادتين الي هم سني ومركز السهول
ابى عياده زينة للثة وتبيض الاسنان والتقويم ويكون تعاملهم زين
واذا عندهم نظام الدفع بالاقساط للتقويم
اتريا مشاركتكم وتجاربكم
توكلي على الله وسيري انا شهر 12 بركب بس تابعت العلاج مال بنت خالتي لاني كنت اوديها احيانا والدكتور وايد زين
اانا مسويه عند ماجد العزاوي بدبي بصراحه مب عاجبني شغلهم واحيد يوم جلع لي ضروسي جلعه بدفاشه اتقولين بنجرجي، الله يستر بس بالياي انا متوهقه معاهم ، ،،، وازيدج من الشعر بيت يقولون انه الحكومه عطته انذار لأنه يمارس مهنة التقويم وهو مش متخصص فيه لأنه عنده شهاده في طب الأسنان،،،
وعن عيادة سني ، اول يوم سرت افحص للتقويم، قالي الدكتور لازم تسوين عمليه تعديل في الفكين!!! وعقب بنسويلج التقويم والا فلا ،، انا هني زغت لأنه الفكين عندي الحمدلله ما فيه شي وشكلي طبيعي ،،، وعقبه ما خليت عياده تقويم مافحصت عندهم وكلهم قالو لي الفكين عندي طبيعي وما يحتاج لأي عمليه وخرابيط ،،، والله نقعوا عليه من الضحك ،،،،