شحالكن خواتيه؟
يالسه ارتب لحجرتيه لاني بغير فيها كل شي وهي نوعا ما كبيره يعني اقدر اسوي فيها يلسه وكل شي
حاليا مفكره في اللون الباذنجاني (البنفسجي الغاااامج) ها طبعا للستاير.. والجبس على البرود بخليهم يسوونه ذهبي معتق يعني اروم استخدم اللونين
الزل بحطه منقش (اللي ييبيعونه في كاربت لاند) والاثاث باخذ الخشب الغامج لاني حابه اخليها على الستايل الجديم مش المودرن
احين شو اصبغ اليدار وشو الالوان اللي تركب مع البنفسجي؟
فكرت في اللحمي او القرميدي بس ما اعرف شقايل بيطلع >.<
شو تقترحون؟
اذا انتي من النوع الجرئ .. تقدرين تحطين اللون البرتقالي مع الباذنجاني ,, او التركواز بس التركواز مع الباذنجاني بيصغر مساحة الغرفه
المشاركة الأصلية كتبت بواسطة barkosha 
اذا انتي من النوع الجرئ .. تقدرين تحطين اللون البرتقالي مع الباذنجاني ,, او التركواز بس التركواز مع الباذنجاني بيصغر مساحة الغرفه
لا الذهبي بيكون بس للجبس وعلى الاطراف وبيكون معتق (حاليا يصبغونه نفس الخشب ويعتقونه بذهبي) فيطلع اللون بين الاثنين
يعني الذهبي بيكون اضافه سواء للصبغ واكسسوارات الغرفه او حتى الكوشنز .. وطبعا الذهبي المات ^_^
عن المساحه عنديه اصلا المساحه كبيره نوعا ما يعني لو حتى سويتها غامجه بيستوي حجم الغرفه بين المتوسط إلى الكبير
وانا حابه شي ملموم اكثر
البرتقالي او التركوازي ما بقدر اصبغبهن اليدار >.< يمكن تكون اضافات بس اليدار عنديه ما اعرف شو اسوي فيه
وتسلمين عالرد فديتج
و اختاري الدرجه المناسبه
و بعد يمكن لون الفستقي الفاتح وااايد يطلع روعه ويا البنفسجي
و بالتوفيق ان شا الله
المشاركة الأصلية كتبت بواسطة $$um ali$$ و اختاري الدرجه المناسبه
و بعد يمكن لون الفستقي الفاتح وااايد يطلع روعه ويا البنفسجي
و بالتوفيق ان شا الله
تسلمين فديتج عالرد البيج حاطه في باليه بس هب الفاتح ويكون في الصقف بس
اما الفستقي مستبعدتنه مع انيه شايفه انه حلو بس لانيه حابه كل شي يكون بين الوسط والغامج
والتوفيق للجميع ^_^
بس بتلعبييين في الالوااان كلها في الغرفه واي لوووون يركب معااااه وماااابتتقيدييييييييييييييييييييييييييييييييييييين
ان تبييين نصيييحتي