مسكينه والله ما خلينا حل ما سويناه عشان نحل هالمشكله 2024.

بنات بخبركن مشكلة اربيعتي بالدوام مسكينه والله ما خلينا حل ما سويناه عشان نحل هالمشكله

مشكلتي اربيعتي ريلها يحبها ويموت فيها لكنه مشكلته مايحب سوالف الرومانسيه يعني حفلات خااصه طلعات عالفندق يوم ولا يومين وحتى يوم يكونوا بروحهم ف مطعم او اي شي لوتحاول تسوي جو رومانسي اهو جااامد ويقعد يرمس ف اشياء تقولي اهي تنقهر يعني المكان رومانسي والعشاء رومانسي واهو يتكلم عن سيايير وعن ارتفاع الاسعار حتى لو تغير الموضوع .. تقولي اقعد اصيح بيني وبين نفسي وحاولت تغيره بس ما قدرت حتي يوم زواجهم تحتفل فيه تسوي الكيك والاجواء وكل شي والهدايا والعشا واخر شي اي يتعشى ويقولها كلام انتي حلوه اليوم وبس واذا شاف الهدايا قالها انا عندي وايد عطور ليش ياييبه ..تنقهر يعني هديه غير … وفي شي ( مره خذتله تلفون وماعجبه يوم استخدمه تخيلوا عصب منها وقالها ليش تاخذينه وانا ما ابغى هدايا وهذا الهندي قص عليج وعطاج تلفون ما ينفع وسار وباعه وخذله تلفون ثان ) والله يوم تشكيلي تقولي انا احبه واهو ما يقصر عليها ف الاكل والشرب الى تباه اييبه لها بس ماتعرف ليش اهو جي .. كل ما تحاول تسوي جو رومانسي خربه … واذا لمحت له ان يوم زوجها هالسنه مثلاا تبا يكوون غير يقولي ما يحتاي هذي امور سخيفه وانا ما احبهاااا …

ياريت تساعدنها ….اعرفكم ما تقصرن انا ما خليت حل ما قدمت لها وما شي فايده

والله ماعرف فديتج .. بعدني ملقووفه ^^

ان شا ءالله اهل الخبره يفيدونج

خليها تسايره يوم بتم يسولف معاها يتسمع لين مايخلص تحاول تناقش معاه في الموضوع الي هو يكلمها فيه تعطيه رايها

مب لازم انها تسوي حفله يوم عيد زواجها مدام ان ريلها مايحب هذا شي

الله يسعدها ان شاء الله

الله يعينها ويعينا على ازواجنا اللهم اميييييييين شوفي فديتج قولي لها هب كل الازواج رومانسين في ناس طبيعتهم جامده وفيهم بالعربي شوية دفاشه واغلب الرجال مندفعين عندنا وكل الي يعرفونه هو الصح والي تسوينه انتي هو الغلط ريلها من النوع الي لازم تمدحه بالكلام كثيييييير وترفع من قدره وتشاوره في كل شيئ بتسويه وتبينله انه هو الفاهم والكلام الي يقوله هو احلى كلام بالدنيا مثلا يوم بتاخذ له هديه قبلها تقول له يعني برايك شو الهديه الي ممكن تليق بمقامك وشو احسن المحلات الي بنظرك تبيع هالسوالف ويوم بتاخذ له هديه من المكان الي هو امدحه ما بيعييب الهديه لو كان فيها عيوب الدنيا كلها وخليها تخلق جو رومانسي من واقع فكره يعني اذا يحب السيارات تتثقف من هالناحيه مث تقول له شو احل واغلى واروع سياره عندك فبيقول لها اسم السيارة تقول خلاص ابا اسمي بتلفونك يكون باسم السيارة هذه ويوم بيمدح شي معين بالسيارات تسمع له وتتفاعل معاه وعقب تقول له وانا احلى ولا سيارة هذه وغيره يعني تكلم وتسوي له جو رومانسي من واقع فكرة وتعوده على كلمات الحب والغزل حتى لو ما يحس بها بس من كثر ما بيسمع الكلام بيتعود عليه ويوم تقول له الكلام الحلو في البدايه لا تقول له مباشرة لازم تقول له بطريقة مبتكرة مثلا تهمس له باذنه فجأة بدون سابق انذار اوفي بطاقة صغيره تعلقها على تلفونه او سيارته او بوكه او تحطه لى كلاس الماي الي يشربه وتبهره بحركات ما يتوقعها منها بس كله بتغلي ودلع وتمنى اني قدرت اوصل الفكرة والله يوفق الجميع ان شاء الله

اااااااااااب ان شالله الخبيرات مايقصرن

نسيت اخبرج ما في احلى من دعا الزوجه لزوجها بظهر الغيب بان الله يهديه لها ويحنن قلبه عليها ويحببها فيه ويحبب فيها والله يوفق الجميع ان شاء الله

الغاليه تحاول واكيد في النهايه بيتغير