ما حبيت تفوتني المسابقة..وقلت لازم أشارك فيها بهالخاطرة المتواضعه كتبتها اليوم بتاريخ 3/1/2006
أربع ورود
كان فيما مضى..
تحيط بي أربع ورود..
ورودي بعطرها فوّاحه..
غير عن كل الورود..
كل ما شكيت الهم..
جتني تسابق خطاها تقول..
يا نفس لا تستهمّي..
إنتي لنا بستان الورود..
إن جالك الهم.. جا لنا هم..
وان ادمعت عينك.. سالت دمانا بحور..
وصار جوّنا أغبر..
وتروينا المياه الحزينه
وتذبل أوراقنا وتموت الورود..
كانت ورودي..
تحيي السعاده فيني..
روحي تطير في بستانها
وتخلّي همي يزول وينطفي..
واليوم فكري شرود..
رياحي تعصف
وغيومي تمطر
على أربع ورود
وينك يا ورودي؟؟
روحي محتاجه لعطرك..
ونفسي محتاجه لبسمتك..
لا تخليني في وجه الاقدار
وحدي..
عهدٍ على يا ورودي..
أرويك وقت الضمــا..
وأخلي بستاني لك
على وسع الحدود..
ولا تعيش فيه غيرك ورود..
وفراشاتي حوالينك.. تطير
تشرب من انهاري وتطير..
ورودي رجيتك بالله لا تذبلي..
لا تخلي عيونٍ.. تبكي فراقك دم..
لا تخلي فؤادٍ.. يضيع وقته ندم..
وكان في ما مضى..
تحيط بقلبي ورود..
لكنها خانت.. وذبلت!!..
بستاني صحرا..
وقلبي فضــا
ونفسي وحيده بهالوجود!!
اتمنى أنها تنال اعجابكم
ولكم كل الشكر على المسابقه
أم اسمــا
أبدعتِ يا أم أسما وخاطرتكِ جميلة تداعب المسامع فتتغلغل إلى الأعماق في البداية أشعرتني بجمال تلك الورود وأحسست بساعتدكِ ثم نقلتينا إلى جو آخر حزين لنستنتج منه أنه دوام الحال من المحال
جميل هذا الإنتقال وهذه المشاعر الصادقة التي جعلتني أعيش أجوائها
تحياتي ودعواتي الصاقة لكِ
صدقتي اختي .. يوم تلقى أحبابك حواليك وبالباجر تدور عليهم
وما تلقى حد يرد صدى صوتك غير السكون!!
[08]تسلمين عزيزتي [/08]
عيبتني واااااااااااايد ..
وانتظري مشاركتي .. اللي ما اعرف متى بحطها 
..
عندي ثلاث قصايد ومب عارفه باي وحده منهم أشارك ..
الله يوفجج ..
السموحه ^_^
مشكووورة حبوبه على المرور
وبالنسبه للقصايد.. شاركي بالقصيده اللي أقرب لقلبج..
واللي تحسين عمرج أبدعتي فيها..
روحي محتاجه لعطرك..
ونفسي محتاجه لبسمتك..
لا تخليني في وجه الاقدار
وحدي..
تسلمين الغاليه ..
كلماتج منتهى الروعه..