شحالكن بنات
اقول شي عسب ماتعورن راسي انا اصلي عماني طعبا حره وريلي اصله يمني حر مواطنين
استغربت شي انه البعض ينكر اصل القبيلة الفلانية من اليمن احس جي مستقلين بهم انا كنت معلمة تاريخ سابقا واعرف وقارية التاريخ عدل مدل ومعظم القبايل الي هني اساسها اليمن
المشكلة الي مستقلين بهم ناس مالهم خص بالقبايل مسجلين السموحة انا ما اقول الكل لكن البعض استغرب منهم احس نوعا ما حسد او غيرة
شو القصة ولدي ياي من المدرسة مضايج يقولون له اونه اليمني قلت له انته اماراتي وياك الجواز اونه يقوله فلان انته لا يمني
قلت لولدي شو اسم ابوه وشو قبيلته الي يضارب وياك قالي الفلان الفلاني وعرفت انا الولد ولد منو عرفتهم هله استغفر الله ياربي مسجلين قبيلة مالهم خص فيها قلت لولدي قوله انا ولد عرب واماراتي والحمدلله (اقول في خاطري سبحان الله زمن )
انا مضيجه الصراحة لانه مابي ولدي نفسيته تتعب
وخبرت ابوه قالي عادي تستوي بين الاولاد نحن كنا جي خليه يسوي لهم طاف معتز بنفسه ولا يرد عليهم ويعيب عليهم نفس مايقولون له
رديت على ريلي منو قالك تستوي يمني رد عليه حمدي ربج يالعمانية
مادري والله المشكلة ابي ولدي يرد عليهم بس اخاف يضربونه لانه ماعنده حد بالمدرسة بس بروحه
هذا الي ناقص ولد عرب واحشام ويتعيب
القبايلٰ العربيهٰ من وينٰ و ابوناٰ زايدٰ يعترفٰ لناٰ الفخرٰ
اليٰ يعيبونٰ لهمٰ اصولٰ ثانيهٰ اللهٰ يهديهمٰ و ربيٰ يحفظٰ ريلج و عايلتجٰ
شخبارج اختي؟
تعرفين المشكله في الاهل
لان الياهل شدرّاه !!
أكييييد سامع الكبار يقولون
والنعم فيج وفي بو عيالج
بس من رايي لا تركزين وايد
لانه بيكبر الموضوع فباله وبيتعب
فهميه قولي له كلنا مسلمين
والله ورسوله قالوا ماشي فرق
وراويه جوازه عشان يرتاح
وهذا من طبع الجاهلية الي نها عنه رسولنا الكريم
اليهال ما يعرفون هاي الاشيا غير الي يسمعونه من اهاليهم
اغلب التصرفات الخطا من الاهل
انتي علمي ولدج ع مكارم الاخلاق وما عليج من الباجيين
وما يعيب الا الناقص
اهم شي الدين اختي
الموضوع ما يسوى خلوهم يحلون امورهم مع بعض مب لازم في كل شي يدخل الكبير
ان شاء الله باجر يكبر ويرفع راسج