مابقى على عرسي غير شهر واحد بس !!
وانا مول مب مهتمه ف عمري
شي مناطق فيها سواد
مثل الركب والكوع
وغيره
تخيلوا ان جسمي حلو يعني رشيقه وهو اخر اعجاب في جسمي
ويتحسبني عااد غزاال
مايدري ان فيني كرشه وكرشه وااضحه !!!!!!!!
بس طبعن انا من نوع الذكي طول فترة الملجه عرفت اغطيها خصوصن ان عودي ضعيف
بس خلاص انا اعرف ان بعد العرس بيبن وبتكون صدمه له ولي بعد
ماعرف شسووي عشان اخوزها
هي اصلن مابتروح انا اعرف هاشي لان عيزت فيها
بس اذا بغيت اصغرها لازم اضعف واايد عقبهاا بيأثر فيني وويهي بيصغر اكثر من هو الي فيه
ف مااعرف شسوي
وشو الحل وياااهااااا وكيف ارد عليه اذا علق عليه بعد العرس
ومن ناحيه 2 ماعرف شسوي
هل تكون بعد العرس شخصيتي قويه وافرض عليه شخصيتي
ولا امشي على كلامه واكون مطيعه
خصوصن اني مابكون في اماراتي الا هي دبي و بنتقل بوظبي وهو اهله هناك
وهو من الحين ملمح انه على طول بيروح عند اهله
حتى اهله اشكره قايلين ان اولادهم 24 ساعه مطيحين ف بيت ابوهم عند امهم وابوهم
جنى ماعندهم بيوت وهم طبعن مساتنسين من هاشي
ومدوريلي شقه يم بيت ابوه
وانا ساكته لاني مابي مشاكل مابي من اول فتره يقولون هاي البنت ماتحب عمتها واهل ريلها
ف سكتت مع اني جد قلت اني اخاف ايلس روحي
بس هو لاحياة لمن ينادي بتتعودين بطرشلج خواتي اطلعي وياهن وووو
مااعرف اول مره في حياتي اشوف ريال من الملجه يخطط حق عقب العرس كيف يتم على طول عند اهله !!
اميي واميي ذبحني كل شي في حيااته امه ابووه خواااته اخوااانه
متعلق بأهله بشكل فضيع
انا حاطه ف بالي اكسب اهله ان شاءالله
بس بعد ماعرف كيف اخليه مايودرني 24 ساعه في الشقه روحي او يطرشلي خواته وهو يروح يجابل امه
ماعرف مستغربه وانا منبوني توني صاكه العشرين ماعرف اتعامل مع هالسوالف
الحين شسوي فيه ونحن مأجلين السفر لبعد ماخلص الكورس
2 لاني وراي دراسه وانتقلت جامعه ف بوظبي ف اكيد يبالي ترتيب
اخاف يصدمني من اول شهر
ويروح ويرد عند هله !!!!!!
انا ماعندي مشاكل وياه هن طيبات وان شاءالله بكسبهم عمتي وخواته
بس المشكله في الريال لانه مخطط 24 ساعه يطيح ف بيت ابوه عند امه
ماعرف شسوي فيه خاصتن اول ايام هي الي بتحدده
لو سكت بيمشي على هاشي لو زعلت بيغير لان الفتره الاولى هي الي بتشكله
وشو الاشياء الي ماسكت عنها واعود الريال عليهاا
ابيكم تعلموني
مابي اتوهق
وانا روحي ماعندي خوات
وماعندي حد مقرب
ف جد ماعرف شسوي وهالاشياء مابي اسئل اميي فيها عشان ماتم تحاتيني
1- سوي تمارين ضغط
واشتركي في نادي رياضي وسوي ايروبيك وااااااااااايد تساعد في التخفيف من الكرش
2– انتي وشطارتج في كسب ريلج صوبج
يعني تقدرين تهخلين اوقات محددة لزيارة بيت ابوه والقعدة معاهم مش طول الوقت
يعني انتي وذكائج وقدرتج في كسبه لصفج
ولا تعودينه انج تسيرين مع خواته كل مكان خليه هو اللي يوديج واييبج عشان ما يتعود ويتكل في كل شيء ع خواته
اطعلي مع خواته ع فترات بعيدة ومب في كل شيء
عوديه انه هو المسؤول عنج مب هم –يعتمد ع الطريقة
وع القعدة في بيت اهله
لا تذمين القعدة معاهم ولا تكرهينه فيهم
لكن تقدرين تقنعينه انكم معاريس وتبون تقعدون مع بعض اكثر ولا حقين ع بيت اهله
وفهميه انه خلاص استقل عنهم وانهم ع العين ولاراس بس مب معناته 24 ساعة عندهم وحزة الرقاد في شقتكم عيل ليش تدفعون ايجار الشقة اسكنوا عندهم في غرفة ابرك واوفر لكم .
لاتعاندينه اذا سار بيت اهله خليه يسير واحيانا سيري واحيانا ىعذي بالدراسة
بس من يسير طرشسي له مسج شوق وغرام عشان يرجع لج بسرعة
والله يوفقكم ويسعدكم
ودهني قبله بزيت اللوز او الزيتون…وانتي لا تخلينه يلاحظ اعيوبج وان قال شي قولي انا جي عاجبني
يعني بينيله ثقتج بنفسج وان جي ولا جي جميله..مب اتقوليله ما قدرت اخوزها او فيني سواد ….>>يا ويلج@@
واذا على اهله بعد العرس اكسبي الكل وعرفي ريلج زين ما زين وحللي شخصيته وعرفي تمشينها لصالحج
وربي يتمملج ع خير..
اختي الغالية ,, أول شي أنصحج بنفسج ^^
رب العالمين خلقنا على أحسن وجه ,, وشوية كرشة من اهني أو هناك ,, ضرورية ^^
دام أخلاقج حلوة وشخصيتج زينة ,, هذا المهم ,, واعرفي ان ماشي انسان في العالم مافيه عيوب
لكن العيوب الحقيقية هي الي تكون فشخصيتنا ونخفيها بجمال خارجي سرعان مايتلاشى
كوني واثقة في نفسج الغالية ,,ولا تذكرين الكرشة لريلج ابـــــــــدا لإن هذا شي صدقيني مب في مصلحتج وهو ما بيلاحظه إلا اذا ذكرتيه ^^
عن أهله اختي الغالي ,, رب العالمين وصانا ببر أهلنا ,, وانتي بالعكس لازم تدعمين ريلج فهذا الشي ,, امدحيهم وتقربي منهم ونيتج الاجر من عند رب العالمين
وان شاء الله بعد ماتعرسون ,, اكيد بتجذبين ريلج عندج لبيتج مع الوقت ,, المهم تكونين حقه خير امرأة ,, واكيد بيستوي كل وقته عندج
وأنصحج بالحل الذي لا يفشل ,, الدعاء والتقرب الى الله
لإن كل ماتقربتي من رب العالمين ,, كل ما سبحان الله حياتج بتكون حلوة والتفاهم مع ريلج بيكون سهل وبسيط
وربي يتمم لج بلخير 
ثاني الله هداااج يوم ملكتي على طول بتسيريين نادي عن الكسل الايروبكس ينحت الجسم نحت
الحين سيري واشتركي شهر بتنشد البطن وجسم
ثاني شي سوااد عاادي حتى ريااايل عندهم انا عندي اسوداد ركبه وكوع عاادي ماهم شي
نظافه وريحه الحلوه واناقه واسلوب الكلام
ثالث نقطه عاااد انتي وشطاارتج كسبي ريلج مب دااعي نعلمج او تساليين انتي تعرفيين وراااح تطلع مواهب خخخ
ترى اول فترته زواج لازم تكسبيه ولو كسبيته خلاص لو يروح لاهله بيروح وبيحن لج
تشطري حبوبه
ومبروك مقدما