هلا خواتي
بنتي عندها مشكلة في عملية الخروج ماراح اقول إمساك لانه
بطنها طبيعي تسويها مرة او مرتين فاليوم
بس مشكلتها انه الخروج عندها يطلع كبيييييير وايد عريض ويابس والله انها تتعصر وتصيح وتستمر اكثر من ساعة لحد يطلع والله كانها حرمة تولد
واذا عطيتها اشياء ملينة للبطن ترى أمورها طيبة
كل ما اوديها مستشفى قالولي سببه قلة فالاكل بس ماشاء الله عليها
تأكل طبيعي
وفيه دكتور قالي بنتج جربت الإمساك وحست بالالم والحين صاير عندها مثل الخوف
عسب جيه تحبس الفضلات في بطنها فتتجمع وتصير كبيرة و يابسة
ولازم البنت يصير وضعها طبيعي فترة طويلة عسب ماتحس بالالم وتنسى الخوف والالم وبعدها بيتعدل وضع بطنها وأمورها بتصير طبيعية
وقالنا بالنسبة للعيش والمعكرونة والكورن فليكس تاكله بس مرة فالاسبوع وأكلها يكون مع خبز او صمون اسمر وبالنسبة البطاطا والبيض بس4مرات فالاسبوع والعصاير لازم تكون 3مرات فالاسبوع والحليب مرضعة وحدة يوميا ماتتعدا 250مل وتقلل من الروب والجبن.
المشكلة انه بنتي مب وايد تحب الخضار حاولت معاها اليوم بس رقدت بدون عشا وعمرها سنتين و3شهور لو شخص كبير تقدر تجبره عالاكل بس هاليهال صعب للعلم بنتي بدت فيها هالحالة من يوم عمرها 6شهور
شوه الحل. انا عالجتها في مستشفى الجيمي ومستشفى نيو ميديكل سنتر وفي المستشفى الامريكي في دبي و في عيادة في دبي نسيت اسمها عند الدكتور ايجاز وسيم
حد فيكم جرب هالمعاناة ….احيانا اقول بوديها تايلاند وفيه ناس يمدحولي الأردن
ان شااءالله بتتحسن
الله يعافيهاا ويشفيهااا
ع آلـآقل قبل كل وجبه كوب مآي .. وفترهـ آلعصر .. رآح يسهل عليهآ ..
والله يشفيهآ ..
وربي ايشافيها لج