بنات ابي اعرض مشكلة بنتي عليكم وارجو اني الاقي حل ومساعده منكن
انا بنتي بتدخل 6 سنوات وعندها مشكله في التعلم والكلام السنه الي طافة كانت في اول روضه والله يعين دووم يشتكون منها
من عدم مشاركه في الفصل وعدم التركيز وسماع كلام الابله وعندها مشكله ماتصيطر على نفسها يوم تبي تروح الحمام ماتتكلم تسويها على عمرها
انا كنت احط ويها الخادمه علشان الحمام بدو يدخلونها الفصل لتساعدها
طافة السنه وبنتي مش مستفيده من شي وهاي السنه اليديده قربت مش عارفه شو اسوي احاول على قدماقدر في تعليمها بس خلاص صبري نفذ ماتقدري تاكل بروحها
عندها خلل في الاعصاب والي بتقولي عالجيها انا اعالجها في النطق والعلاج الطبيعي بس وايد تتاخر الين ماتتجاوب للعلاج وخاصتن في النطق
ارجو منكم انكم تساعدوني ولو بكلمه
اختي مدامج تعرفين البنت عندها مشكله فالاعصاب لازم تضبطين اعصابج وتهدين ها كله من رب العالمين يختبر صبركم ..لاتحسسون البنت انها عاله عليكم وانها تغلط ..
قولي الحمدلله انه الله رزقني بطفله في ناس يتمنون العيال حتى لو فيهم شي ..
اختي بنتج علاج تحتاج ومجهود اكبر من البيت وانا اقترح تحطين لها نيرس تعتني فيها في نيرسات لهم بارض اكثر عن الخدامة ..
وخليها في مدرسه تقبل حالتها .. حرام تودينها مدرسه عاديه فيها فوق 20 طالب محد بيركز اهتمامه فيها والمسات بيذمرون منها ومن اللي يستويلها والطلاب وياها مابيفهمون حالتها ممكن يضحكون عليها ..
وكثري الدعاء لها ودعواتنا لها بالشفاء
الله يحفضها ويوفقها وبأذن الله اتشوفينها بأعلى المراتب.
ويعينكم على تربيتها احسن تربية يارب