اخواتي أنا حترت واين احط الموضوع في قسم المشاكل او ساعدوني و لكن إن شاء الله اكون حطيته في المكان الصح….
الله يسلمكم في وحده من اهلي هي بنت متفوقه و شاطره لكن إنطردت من كلية التقنية حسبي الله عليهم بسبب الغياب اونه ((وهي تقول يحليلها ساعات تكون مريضه…او عندها ظروف…يعني لي أسباب قاهره..وهي شرحت لهم….بس هم ما عندهم رحمة)) ….
الحين يحليلها البنت من فتره في البيت لا شغله و لا مشغله و ترمسيني دوم و اتقول إنها خلاص طفرت و حاسه بضيق و إكتئاب من يلسة البيت…يحليها حالتها تكسر الخاطر..
طبعاً اهلها مب راضين ايودونها جامعه خاصه عشان الاختلاط الشباب مع البنات ..أهلها من النوع المحافظ ….
أخواتي ابغي اساعدها مب عارفه كيف …هي البنت من دبي و ما إدري إذا فيه طريقه او شي تقدر تكمل دراستها في جامعه او مكان حكومي او في جامعه خاصه دراستهم زينه و ما فيها اختلاط ((غير جامعة الشارقة)) ….و السموحه إذا طولت عليكم
انتي من اي اماره تبين وبحاول افيدج
هب مختلطه
اقول حد منكم يعرف بنت انطردت من كلية التقنيه و قبلوها في جامعة زايد مثلاً ؟؟؟
انتظر ردودكم و مساعدتكم
خليها تقنع اهلها انها تكمل فجامعة خاصة لانه حرام يضيع مستقبلها جيه
او في حل ثاني : انه اتقدم الثانوية مرة ثانية (حتى لو منازل) .. و عقبها اتقدم في جامعة زايد دام انها متفوقة و شاطرة
و الله يفرج كربتها