اربيعتي حامل وعاطينها موعد ولادة 15/ 5 … ومن كمن يوم اكتشفت دكتورتها ان قلب الجنين متضخم وعندة مشكلة في الصمام … وقررت لها ولادة قيصرية حالا … وراجعت دكتور ثاني وقال لها ان فيه مجال نتريا اشوي … بس ما يقدر يحدد لها اي شي عن وضع البيبي بعد الولادة الا انه محتاج عناية …
وانا نصحتها اتراجع الوصل وسارت الهم … لاكن اتعرفون المستشفيات الحكومية وتعقيدها … وما رضوا يستقبلونها الا لما اتعيد كل الفحوصات الي سوتها قبل في الخاص مع انهم ايعرفون ان حالتها خطيرة ومستعجلة … وبتبدا رحلة المواعيد من باجر …
وهي كانت ناوية تولد في الخاص … بس الحين خايفة ان المستشفى الخاص ما يكون مجهز لاستقبال بيبي بمثل وضع ولدها …
الله يخليكم … الي عندة خبرة او اي معلومات بهالخصوص ما يبخل علينا … والله ان حالة الام اتقطع القلب …اتصيح ليل نهار …وهذا اول بيبي …
ولا تبخلون عليهم بالدعاء … والله يصبرها يارب …
انشالله بعد ماتولد يقدرون ايعالجونه ويتشافى
لا حول ولا قوة إلا بالله ..
إن شاء الله الخوات بيفيدونج ..
UP
UP