بنات اول شي الحمد الله من صغري هلي علموني اعتمد على نفسي ..كسبت وايد تجارب من الدنيا رغم انه عمري 24 .. هالشي مخلي شخصيتي وايد قويه !! و البعض يستصعبها احيانا !! صح انه قوة الشخصيه شي حلو بالذات فالدوام لانه الحمد الله مسكت منصب اداري قوي و بسرعه …لكنه متعب و ينفر الناس احيانا ..فالدوام فريقي يخاف مني !! انا لساني مب سليط او وقحه لا الحمد الله ..لكنني صريحه و ادقق و ما احب اخفي مشاعري او اجامل …
يوم بنعرض بريزنتيشن من قسمنا جدام المدراء يجدموني انا على طول !! يحسسوني انه ويهي لوح و ما استحي !! ابي اكون حياويه بصراحه و مديري قالي عقب العرض ..ماشاءالله عليج عن 10 رياييل .. يتحراه اطراء ! لكنه شوي قهررني ..حسيت مافيني انوثه !!
من غير فالسفر و طلعات الاهل انا المسؤوله عن كل شي من الحجوزات لين تخطيط الرحلات .. احس بالضغط بس ما احب اقول لا لانهم معتمدين علي .. مع انه يوم نسافر نكون مجموعه كبير و اخواني الكبار و اعمامي و يانا !!
بنات ساعدوني كيف اغير هالنظره مابي الكل يشوفني حازمه و جريئه و مستقويه عقولتهم …
يوم احاول اتلاطف مع الناس ما اقدر استمرر.. ما اعرف اجامل مول يبين على ويهي 
لكنني في نفس الوقت ما اجرح حد يوم اقول رايي بصراحه و اتقبل النقد الا احب النقد استانس يوم حد يصارحني و يعطيني كاش بس باحترام .. يعني اعامل الناس مثل ما احبهم يعاملوني ..
اتريا حلولكم كيف استوي حياويه …
قروب الدوام يقولون عني ما عندي اسلوب .. لاني اعطيهم بالويه كااااااااااش وما استحي .. لانه هذا شغل و الشغل التزام و نحن محاسبن من القيادة
العليا جيف اغطي عليهم …
اما الاهل اطلاقا ما يعيبهم الي ينقد عليهم و يقول لهم الصراحة
دوم اقولهم ما عندي رمادي إما ابيض او اسود .. ليش اللف و الدوران عندك شي قول .. او اسكت ..
بالعكس هذي مو جرأه شخصيه قياديه غير اتكاليه
و بعد اجتماعيه .. لكن يمكن فيج قوه ف ردات الفعل
و التصرف السريع بحيث يصدم الي قبالج ( طبعا ف وجهه نظرج)
والشخصيه هذي جميله ماشوف فيها سلبيات عسب اعطيج حلول ..
ان شاء الله البنات يفيدنج
انآأ وحده وآآآآآآآآآآآآآآآآآآآيد استتتحي وماآا اعرف أعتمد ع عمرري .. وووآأأيييد اخجل أآأني اواجه اآحد يعني مثلا انتي تعرضين البرزنتيشن وترمسين يداام المدررااء .. انا ما اقققدددر مستحييييييييييييييييييييييييل >< .. احمدي ربج ع هالشخصييه القويييه ,, انا اتمنآهآأ .. وما عندي تعلييق ..
بس انا مب اتكاليه اهلي يعتمدون علي وصدق يشوفوني قويه لان يمكن معتمده ع نفسي واسوي كل شي
بس استحي ياريت اعرف كيف يوم اعرض ماستحي ههه ولا اتوتر
صح لازم تكونين دبلوماسيه بس كل شخص وكيف تعودت وتعلم صعب شوي يغير الا اذا تنازل او انسحب وهالشي صعب