السلام عليكم ورحمة الله وبركاته
شحالكن خواتي عندي مشكلة في الدوام وبغيت اللي تعرف تعطيني الحل
أنا موظفة في هيئة حكومية من 3 سنوات وخلال هالسنوات تنقلت من قسم لقسم لين في الأخير استقريت في قسم معين ومن خلال تنقلاتي تعرفت على موظفين مختلفين وكان بينا كل إحترام وتقدير كزملاء في العمل
في القسم اللي أتثبت فيه نحن 3 موظفات والحمدلله متعاونات وكل وحده تساعد الثانية في العمل
مشكلتي مع وحده من زميلاتي في العمل تحبني بطريقة جنونية أتكلم بصراحة في البداية مشيت الأمر وخليته عادي وقلت يمكن تحبني ومتعلقة فيني كزميلة عمل ولكن تطورت الأمور بين فترة وفترة لازم تيبلي هديه من غير مناسبة وحلويات وحتى في مواقف السيارات لازم تكون سيارتها عدال سيارتي
مرة سويت حركة وقفت سيارتي بعيد عن سيارتها وزعلت مني ليش وقفتي مكان غير
الدوام عندنا من 8 لين 4 وبعدين كل حد يروح بيته
وتبدا المسجات كل شوي مسج مرات أتجاهلها ومرات أرد عليها
بعدين مليت بالفعل مليت
آخر شي صار بيني وبينها طرشتلي مسج وقالتلي عطيني قياسج شاريه قطع لي ولج وبفصلج إياهن
رديت عليها بالمسج سمحيلي ما بعطيج القياس إنتي ما قصرتي أشتريتي القطع عطيني إياهن أنا بفصلج وبفصلي
سكتت عني ولا قالت شي
اليوم في نهاية الدوام سألتني وين بتروحين قلتلها البيت ولحقتني من الدوام للبيت عشان تاخذ قياس الكندورة مالتي
بالصراح مليت من هالحركات صح أحبها وأحترمها كزميلة في الدوام بس مب لهدرجة
هي مؤدبة وراعية دين وصلاة بس هالحركات تضايقني
شو أسوي؟ فكرت أنتقل من القسم بس المسؤولة بتسألني ليش وأنا ما أريد أتكلم عليها
دخيلكم اللي عنده حل يرد علي في أسرع وقت لأن بالفعل مليت وتعبت وكرهت الدوام والقسم اللي أنا فيه
هي ما شاء الله من 10 سنوات تشتغل بس ليش تعلقت فيني ما أدري
ما فيني شي زيادة عن الناس الباقين
دخيييييييييييييييييييييييييييييييييييييييييييييييي يييييييييييييلكم عطوني حل
شحالكن خواتي عندي مشكلة في الدوام وبغيت اللي تعرف تعطيني الحل
أنا موظفة في هيئة حكومية من 3 سنوات وخلال هالسنوات تنقلت من قسم لقسم لين في الأخير استقريت في قسم معين ومن خلال تنقلاتي تعرفت على موظفين مختلفين وكان بينا كل إحترام وتقدير كزملاء في العمل
في القسم اللي أتثبت فيه نحن 3 موظفات والحمدلله متعاونات وكل وحده تساعد الثانية في العمل
مشكلتي مع وحده من زميلاتي في العمل تحبني بطريقة جنونية أتكلم بصراحة في البداية مشيت الأمر وخليته عادي وقلت يمكن تحبني ومتعلقة فيني كزميلة عمل ولكن تطورت الأمور بين فترة وفترة لازم تيبلي هديه من غير مناسبة وحلويات وحتى في مواقف السيارات لازم تكون سيارتها عدال سيارتي
مرة سويت حركة وقفت سيارتي بعيد عن سيارتها وزعلت مني ليش وقفتي مكان غير
الدوام عندنا من 8 لين 4 وبعدين كل حد يروح بيته
وتبدا المسجات كل شوي مسج مرات أتجاهلها ومرات أرد عليها
بعدين مليت بالفعل مليت
آخر شي صار بيني وبينها طرشتلي مسج وقالتلي عطيني قياسج شاريه قطع لي ولج وبفصلج إياهن
رديت عليها بالمسج سمحيلي ما بعطيج القياس إنتي ما قصرتي أشتريتي القطع عطيني إياهن أنا بفصلج وبفصلي
سكتت عني ولا قالت شي
اليوم في نهاية الدوام سألتني وين بتروحين قلتلها البيت ولحقتني من الدوام للبيت عشان تاخذ قياس الكندورة مالتي
بالصراح مليت من هالحركات صح أحبها وأحترمها كزميلة في الدوام بس مب لهدرجة
هي مؤدبة وراعية دين وصلاة بس هالحركات تضايقني
شو أسوي؟ فكرت أنتقل من القسم بس المسؤولة بتسألني ليش وأنا ما أريد أتكلم عليها
دخيلكم اللي عنده حل يرد علي في أسرع وقت لأن بالفعل مليت وتعبت وكرهت الدوام والقسم اللي أنا فيه
هي ما شاء الله من 10 سنوات تشتغل بس ليش تعلقت فيني ما أدري
ما فيني شي زيادة عن الناس الباقين
دخيييييييييييييييييييييييييييييييييييييييييييييييي يييييييييييييلكم عطوني حل
ياليت نلاقي حد يحبنا مثلج
الله يوفقج
حراااام عليج مادري ليش البنت كسرت خاطري …. يمكن مافي نيتها شي بس انتي مزودتنها حبتين
من كلامج ما أحس البنت غلطت عليج 
حبتج في الله وهي كريمـة مافيها شي أحسني الظن
إذا الكرم يزعجج خلاص اطلبي منها اتمون رسميين وهي بدور انسانـة ثانية تفهم شخصيتها ويتحابون في الله
و ربي يوفقج أختي
في حديث سهل بن سعد مرفوعاً إلى النبي صلى الله عليه وسلم:
ثنتان ما تردان :
( الدعاء عند النداء وتحت المطر )
رواه أبو داود وصححه الألباني في صحيح الجامع (3078 ).
اختي ليش جي
يمكن البنت طيبة وتحبك سبحان الله
مافيها شي
انتي بعد اشتري لها هدية
انسانة بسيطة وتحب تخدمج عامليها بطريقة ذكية وفهميها بأنج في البيت ماتردين على التيلفون أو المسج إلا للضرورة وفهميها بأنج بتقبلين هديتها بشرط انج بتعاملينها بالمثل وانها زميلة عمل