شحالكن بنات
عندي مشكله من زمان اواجهها من ايام ما كنت في الجامعه
اللي هيه (( عدم القدره على ربط الافكار ))
انا بنت شاطره وايد ومستواي عالي
بس المشكله اني ما اعرف ابدأ في الشي ….
مثلا اذا كان عندنا بروجكت ولازم نسويه نحن قروب البنات
مستحيل انا ابدا فيه لازم وحده فينا تاخذه وتوزع الشغل علينا وتفسره لي عقب بشتغل صح
ودايما احس بشغل البنات وايد احلى وافكاره رهيبه
اما انا فشغلي عادي
مع اني وايد اهلك فيه
ودايما اخذ الاجزاء في البروجكتات اللي هيه تكون سهله
اما الثانيه اللي فيها حل وتفسيرر وتحليل هاي غيري ياخذها لاني مافهملها
مع اني شاطره بس ماعرف شو المشكله فيني
ودايما اقول ياربي كيف فلانه بتحله هالسؤال .؟؟؟؟ ويوم اشوف الاجابه اقول كيف هي جي حلته ؟؟؟
ومرات اقول هذا جواب عادي انا كيف ماعرفت احله ؟؟؟
والمشكله بعد اني مرات مافهم السؤال شو يبا …. بس اذا صاغولي اياه بطريقه ثانيه اعرف احله
بس البنات ماشالله عليهن بسرعه يلقطن السؤال
احس مرات ان فهمي بطئ
وفعلا انا من زمان كانت عندي مشكله وانا صغيره ان دايما اهلي يقولوولي انتي ماتفهمين
مع اني شاطره ومن الاوائل
معقول هالشي يكون أُثر فيني ؟؟؟؟؟؟؟؟؟؟؟؟
اريد ادور على الحل
اريد اكون شاطره بفهم … واخلي الناس تعتمد عليه … بس انا جي انا اعتمد على غيري في حل البروجكتات ….
واذا تعرفون مواقع ثانيه متخصصه في هالشي ياريت تفيدوني فيهن لاني فعلا محتاجه ووراي ماجستير يعني ضروري اتغلب على هالمشلكه
السموحه منكن طولت عليكن بس ان شالله القى الحل
و ثقي بنفسج اكثر
موفقه اختي
يعني اذا وحده بدت في الشغل لو بشي بسيط عادي اكمل عليه
لكني اواجه صعوبة البدايه
تعرفين انا بعد كنت نفس حااالتج بالضبط مااعرف لييييش
الله عطا كل انسان قدرات معينه في جسمه انتي ماعليش غير انه انتي تشدين حيلش وتسوين ايلي تقدرين عليه واذا ماقدرتي قولي الحمد الله لاطالعين غيرش خليش قنوعه اقتنعي بايلي عندش وايلي الله عطاش اياه وقولي الحمد الله على كل حال قدر الله وماشاء فعل
مااستوعب بسرعه ولازم الشي ينقالي ببطئ وينعاد عشان افهم
مع اني الحمدلله شاطره في امور وايد
(تمارين للمساعده على ربط الافكار)
بيطلعلج وايد اشيا اكيد