حابه اطرح عليكم مشكلتي واتمنى احصل الحل عندكم
مشكلتي هي اختي ………………………
وحده من خواتي تدرس في كليه مختلطه ………………
الانسان اللي يحبني واللي قريب بيخطبني ان شاء الله بس ابوي يرجع من السفر عسب يتقدم يدرس وياها ……….. رمسها وخبرها انه معجب فيا وحاب انه يتقدم لي اول ما بيداوم وهذا الكلام قبل سنه تقريبا
المهم بعد فتره جمعتنا معارض ومؤتمرات …..كنت اوقات مع اختي والشاب يكون موجود بعد ……………
اتوطدت العلاقه بيني وبينه وصرت اعجب في اسلوبه واخلاقه العاليه……………..
البنات اللي وياه في الجامعه عرفوا انه يبا يخطبني ومن غيرتهم اختلقوا مشاكل عسب يفرقونا وحتى وصلوا الكلام لي عن طريق اختي انه هذا الانسان فيه كذا وكذا وكذا ………….اختي صدقتهم وكانت بعد اتذمه
هاي الفتره انا وااايد تعبت لاني ما كنت اعرف اصدق منو ……..هو بعد نفس الشي كان متضايج وااايد ………….عقب عرفت انه الرمسه اللي مطلعينه على الريال كله جذب في جذب ………………..
كلمت الشاب وقلت له اني انا عرفت كل شي ……………اتفقنا انه نسكت وانبين للناس ان نحن افترقنا ……هذا اللي صار ……………..من بعدها الكل سكت وما قام يرمس على الريال………..(ارتاحوا انه افترقنا) اتأكدت اكثر من نواياهم
طبعا هو يكره اختي وشلتها واااااااايد لانهم كانوا بيفرقون من بينا ومطلعين كلام زور عليه ……….. حتى خبرني انه بعد الزواج ما يبا يشوف رقعة ويها….وما يبا يحتك فيها ابد………..حاولت في البدايه كثير اصلح بينهم بس فشلت
المشكله الاكبر……………اختي
هي عندها مشاكل عائليه مع زوجها………..اي شخص اتصادفه في الكليه سواء بنت ولا ولد …اتخبرهم بمشاكلها وانها تفكر بالطلاق وغيره
عادي اتسولف مع الشباب ……..يعني تاخذ ارقامهم وهم نفس شي ياخذون ارقامها ….بغرض الدراسه والبحوث اللي تصير …… بس اوقات اتمصخها واتسولف وياهم
اتخبر اللي في الكليه عن خواتها واخوانها …يعني اعمارنا و وين انداوم……..
ربيعتها في الكليه عمرها 22 سنه تقريبا…..واختي عمرها تقريبا 35 سنه …………ربيعتها الله يسلمكم وحده شايفه عمرها….اتبين للكل انها بنت عز وغيره …………… عرفت من مصادري الخاصه انها وحده عليها سوالف اللهم لا شماته ونص الشباب في الكليه يعرفون عن سوالف ربيعتها ………….حاولت وايد ألمح لاختي ان هاي البنت وراها بلاوي بس ما تقتنع
اختي وربيعاتها من النوع اللي يبرزون عمرها بين الناس………يعني مثلا اذا كانت في الصف …ترمس بصوت عالي واتحط على المدرس عسب تلفت الانظار …………………في مره الريال اللي يبا يتقدم لي خبرهم شي ….ردت عليه يدام الشباب والبنات انه جذاب وغيره ………..طبعا هو ما رد عليها احتراما لي
معظم الشباب في الكليه يرمسون على اختي وشلتها……………..
والله مب عارفه كيف اتصرف وياها…………………اذا رمستها اكيد بتنكر و بتقولي منو خبرج وغيره……..
بلييييييييييييز خبروني شو اسوي؟؟؟؟؟؟؟؟؟؟؟؟؟؟؟؟ والله مفتشله واااايد منها
دامه شارنج و قصده شريفه خليه يتقدم و أهلج هم الي بيسألون عنه و ما عليهم من كلام بنات يطلعن سوالف على الرياييل
و انتي عليج بصلاة الاستخاره و الدعااااء
و نصيحه يا الغلا.. لا تكلمينه هالشاب
اول شي علاقه محرمه وما شي توفيق من رب العالمين عن طريق الحرام
ثاني شي عشان يستعيل و ايي يخطبج
و عشان قدرج و سمعتج و سمعت اهلج الي لازم تحطينها جدام عينج
و أختج الله يهديها تقربي منها
كلميها بالطيب .. تعالي لها من الناحيه الدنيه
و في هالحاله بيكون الي عليج سويتيه
و ادعيلها بالهدايه
اختج عمرها 35 …
35 سنه مب شويه المفروض تعرف من دون لحد ينصحها …
نوره:
تسلمين حبيبتي على ردج
بغيت اوضح لكم…… انا ما ارمس الشاب إلا للضروره
الريال وايد مستعيل ويبا يتقدم بس اهلي مسافرين حاليا وما يندرى متى بيرجعون
بالنسبه لاختي………..والله اني حاولت ارمسها كذا مره وألمح لها ان اللي اتسويه غلط وفيه خراب بيتها ………بس ما شي فايده………………….
العنود:
ادري انها مب صغيره ….والمفروض تكون في ها السن واعيه وفاهمه الدنيا………..بس شو بتسوين….المشكله ان ربيعتها وايد مأثره عليها
المشاركة الأصلية كتبت بواسطة Cute_Barbie 
مشكوره حبيبتي 
…..لا تحاتين الريال شارني
انا مشكلتي مع اختي مب الريال
والله اني احترت في امري ومب عارفه كيف اقنعها اتودر ربيعاتها وسوالفها الماصخه