حبيت أعرض مشكله و بغيت حلووول ..
مشكله التصوير في الإستديوهات .. أثناء الأعراس أقصد تصوير العراايس ..
تعرفون قصه المحلات التصوير .. اللي يعدل الصور ريااييل مب حريم ..و الله يعلم إذا الصور منو بعد يشوفها غير اللي يعدلونها بالفوتوشوب غير الهنود و منو يتعامل وياااهم عشاان ياخذون الصور ..
بالواجهه يحطون حريم عاملات فلبينيات أو غيرهن .. والعالم الله وين يودون صور و لمنو ؟؟؟
أصحااب المحلات اللي منهم ما يخافون الله و يشوفون الصور ..
و غيرهم من الهكرز لأن كمبيوترات موصله بالنت ..
و غير قصص اللي تستوي بعرس أخوي عطوه صورة كبيرة لمعرس و عروس ثاانيه أخويي يخاف ربه رد الصورة و بدلها و ما شااف الصورة أنا اللي كنت فاتحتنها ..
و أخوي الثاني بألبوم عرسه صور لناس ثانيين بالغلط حاطينها بأخر 4 صفحااات ..
و غيرها من القصص اللي نسمعها
شو رااايكن تبغون تصورون ؟؟؟
أبى آرائكن …
يعني نحن متحشمااات و لابسات عبي و نغطي ويوهنا و يوم نكون مترتباات و كاشخات و يمكن البعض يلبسون عااري بالأعراس آخر شئ إيي واحد غريب يطاالع الصور بكل سهوله ..هذا حلال يشوف الصور .. و خاصه يوم يكون زنمه و لا سوري ( فئه منهم مب كلهم ) يعني هو يشتغل بالصور يعني العالم الله وين يودي الصور و يعطيها لمنو مقاابل بيزاات .
عطووني آراائكن ..
بصراحه أنا شريت كاميرا نيكون آخر موديل حتى المصورة وايد عيبتها كاميرا يوم شافتها بالعرس و سألتني عن سعرها طلعت كميرتي أحلى من كيمرتها و أيدد ..
و الحين أروم أتصور ع رااحتي و أعدل بالفوتوشوب .. بدوووون آثااام ..و ماخذه طابعه حلوة فيها إطارات و حركااات حلوة عسب أطلع صور و بعد مخصصه لاب توب ما موصل بالنت أخزن فيه صوري الشخصيه ..
شو الحل تعطونه للعرااايس …
صدقووني فكرت أسوي محل تصوير ع الأقل بإشرافي و أييب ناااس ثقه يصورون و محد يشووف الصور غير حريم .. بس التصوير حرااام ما أبى أخذ إثم حد كفاايه صوري و صور هلي ..
الله يغفر لي إن شاااء الله …
شاااركوني شو الحل لمشكله التصوير
(سبحانك اللهم و بحمدك أشهد أن لا إله إلا أنت أستغفرك و أتوب إليك )
اعتقد انهم يصورون العراايس ويروحن المصورات ويوصلونها بكمبيوترهم ويعدلون الصور بالفوتوشوب ووقت التحميض يحمضونهم في محلات عاديه .. هذا والله اعلم ..
للأسف غافلين نحن عن هالسواااااااالف
انا من عرست صرت اتصور في الزورق واقوول للحرمه ابا تعديل حريم وتكتب في الفاااتوره || نساااء ||
وفي ذمتهاااا لو اعتمدت على الرياييل
المشاركة الأصلية كتبت بواسطة الوااافيه 
اعتقد انهم يصورون العراايس ويروحن المصورات ويوصلونها بكمبيوترهم ويعدلون الصور بالفوتوشوب ووقت التحميض يحمضونهم في محلات عاديه .. هذا والله اعلم ..
مشكوورة يا الوااافيه …
عدل كلامج … بس شو راايج بأن و أنت متكشفه يي رياال و يشبع شوف بصورج و ياعالم الله منو من الرياييل بعد يشووف صورنها لو كنت مريضه و ع فراش الموت الله لا ييب هالساعه و محتاجه عمليه مثلا و ماشي غير ريال أوكي للضرورة أحكااام بس التصوير مب شئ أسااسي إذا ما إتصورت بموووت ..
بإنتظاار تعقيبج ..
المشاركة الأصلية كتبت بواسطة دلوعة زوجي للأسف غافلين نحن عن هالسواااااااالف
انا من عرست صرت اتصور في الزورق واقوول للحرمه ابا تعديل حريم وتكتب في الفاااتوره || نساااء ||
وفي ذمتهاااا لو اعتمدت على الرياييل
و الله ما أعرف شو أجوول لو متحجبه بعد شئ …. بس متكشفه و بكاامل زينتي و جم رياال عااد يجوف الصور ..
وين الذمه الحين .. الدنيا مختربه اللي ما رحم ربي ..الله يستر علينا يااا رب ..