يزاها الله خير العضوة اللي عطتني اسمها لأني ما احب اظهر باسمي
أنا عندي مشكله مع ابوي ، دوم يهزاني ويقولي انتي ما تسوين نعال اخوج ، عندي اخو واحد و هو اخر العنقود
وانا اسكت لانه يعتبر من البر ولازم ما ارد و دوم يسبني و كذا مره حاول يضربني جدام الناس بس أنا اتحاشاه و أمي ما تقصر أتم اتحن عراسه و عراس اخوي حتى ان اخوي ما يحترمني ولا يسويلي سالفة
المصرووووف الطامة الكبرى
لا راضي يخليني اشتغل ولا يعطيني مصروف يكفيني , معاشه فوق 30000 و يعطي اخوي 1500 غير السيارة اليديدة اللي شايرله و أنا 500 و لا بعد طلعه روح
من القهر و الله أني قمت أكسر الاشياء و كسرت لابي و ايدي انجرحت و تنزف و ما حسيت فيها الا بعد ما هديت
و الله أني أسايرهم و اسمع الكلام ، من يومين مفصل اطقم حق الميلس بجيمة 30000 و مستغربة مب طايع يزيد المصروف و لا راضي اتوظف
كنت حاطة ببالي ارمس عمي و لا خالي عشان يرمسه و يقفط و يزيد المصروف
حق الغرب يسلفهم بي حقنا ، يدوب نشوف الفلس
ولا من فترة معطي اختي 40000 عشان تسافر
مشكلتي مع اختي ، هي اكبر عني اكثر عن 10 سنوات و أنا احترمها بس هي متى ما دق برأسها تنصح و تتفلسف و تطلع كل عيوبي و أنا روحي مب ناقصة و جان أقولها أنا مب شراتج اشيش الناس عبعضها و ها مب كلامي أنا لا كلام اختي العوده و اخوي قبل لا يجلب
خلاص مب رايمة أتحمل حد يتفلسف و أنا عارفة عمري سيدة و اذا في اي شي أمي بتخبرني
احين اللي سويته مب غلط لان نفس ما هي تعبر أنا بعد اعبر
اخر فترة ابوي تعب شوي من ريله بكل صراحة استانست وقلت بخاطري تستأهل ، ولا مرات اتيلي افكار أني اشرد من البيت و اللي فيها فيها ولا أحط سم عشان ابوي يموت و افتك منه و من حنة و بخله و لا امس خذت الجاز أبا اوزعه عاطراف البيت و احرق البيت اللي فيها فيها مب هامني شي
أباكم تنصحوني لان محد فاهمني و باجي خواتي معرسات و ما يخصهم فينا.
فيني شر و أنا اصلا مب جي ، أبا حل قبل ما تستوي مصيبة .
سالفة المصروف دام هو ما بيزيده من خاطره لا ترمسين عمج ولا خالج يمكن يعصب عليج اكثر
واذا تبين تاخذيلج حايه والا شي خلي امج تاخذ منه فلوس وتعطيج والا هي تاخذلج اللي تبينه
وانتي اهم شي انج تحترمين ابوج مهما يسوي ومهما يقول بيتم ابوج ذخرج وسندج فالحياه
مب عشان والله ما يخليني اشتغل والا مصروفي شوي اروح ادعي عليه بالموت لا حبيبتي
تعوذي من الشيطان وتقربي من ربج وخلج فحالج لا تستقوين عشان ما يسويلج مشاكل
والله يعينج
المشاركة الأصلية كتبت بواسطة Ch3nel 
معقوله 
عيل المشكله منج انتي مب منهم !!!!
عشان معاملة ابوج اوالشغل اوالمصروف تقتلين ابوج!!!!!
الحل انج تذكرين ربج وتعرفين ان رضا الله في رضا الوالدين
اختي …
بر الوالدين من أحب الاعمال الى الله
قال رسول الله صلى الله عليه و سلم : ( رضا الرب تبارك و تعالى في رضا الوالدين ، و سخط الله تبارك و تعالى في سخط الوالدين )
وعن أبي امامة رضي الله عنه أن رجلاً قال : ( يا رسول الله ما حق الوالدين على ولدهما قال : هما جنتك و نارك )
وعن ثوبان رضي الله عنه عن النبي صلى الله عليه و سلم قال : ( ثلاثة لا ينفع معهن عمل : الشرك بالله ، و عقوق الوالدين ، و الفرار من الزحف )
كما قال رسول الله صلى الله عليه و سلم : ( رأيت مكتوبا على باب الجنه : أنت محرمه على بخيل و عاق و نمام )
الله يهديج
انا اعرف انك متضايقه وانا بعد مرات اتضايق من امي ومن ظروف
بس الواحد شو يسوي هذا نصيبه وهذا اهله
يعني الظفر مايطلع من اللحم
اعرف ان ابوكي شاقنك بس
ماعندك حيله غير انك تسكتين عنه
والمصروف خبري الوالده يمكن تحس بج
يعني مثل ماقالت وحده من الخوات تاخذ منه مصروف بالحيله لج
او من فلوسها تعطيكي لانك بنتها بالاخير
يعني وجهي جهودك للام
والاخ هو الاصغير عشان جي يدلعونه وهذا طبيعي عندك كل العائلات الصغير يدلع بس في
اهل يمشون بالعدل ومايقصرون على حد
وبخصوص الشغل حاولي يمكن الله يهديه وتشتغلين
يعني يمكن في خصوص الشغل تكلمين حد من قرايبك يكلمه يمكن يتغير تفكيره
وبخصوص الاخت كل الناس جي
حتى الربيعات يوم تشتكين لهن يتفلسفن ان عن نفسي قاطعت وايد من هذا الشي
يعني في ربيعات لا سالهن ولا اخبرهن مشاكلي بسبب الفلسفه عاد كيف اختك العوده
هذي مكانتها ولازم تحترمينها طنشي وقول لها ان شاء الله وخلاص
بترتاحين وهي بتسكت عنك
وادعي بصلاتج وربي يب الخير
بس انتي اتحملي واصبري ولا تفكرين بها لافكاار بحرق لبيت ومادري شوة
رمسي الي انتي وياهم اوكي عمج خالج عن الدوام وخلاص انشاء الله لامور تنحل
اخسسس عن حالتتتتتتتتج بس الحمدالله على كل ححححححال ..قبل لا ارد
انتي كم عمرج ؟؟