ما اعرف شو مسويه فينا – امي تحبها وايد اكثر عني وتفضلها ويوم اقول حق امي هاي مسويتلج عمل تضحك وتقول هاي مسكينة فقيرة وعندها عيل في بلادها وتشتغل وايد
والله لايقول اذا سرت بيت امي تعصب الاندونيسية وتتغير تبغي تذبحني وانا عالطول من اشوفها اتعب وكله اصيح واحزن وما اطلع من بيت زوجي متغيرة وايد عن قبل
وامي اللة يسامحها مول ماتسال عني ولا اخواني ولا خواتي وتكلمت مع اخوي بس ماشي فايدة
وابويه الله يهديه ما يرضي حد يغلط علي الاندونيسية وحتي لو سافر ورجع يب لها هدايا حق الخدامه
تخليو انا متضايقة بعد من الاندونيسية بيت امي وما اعرف كيف اتصرف وشو الحل علشان يسفرونها وافتك منها واروح علي كيفي مثل قبل بيت ابوي – شو اسوي
يعني ها بيت اهلج اتدشين و تطلعين ع كيفج و العلاقة الي بينها و بين امج او ابوج ها الشي يخصهم يمكن هي حنونه عليهم و بذات انكم عياله بعدين عنها يعني تعاملها كفرد من البيت و ها مش عيب لا تكبيرين الامور الغاليه و هي صغيرة
مهما كانت هاي انسانه و بشر مثلنا
ومشكلتنا احنا المواطنين عندنا كلمه بشكارة يعني = عبد عندنا نقدر نسوي الي احنا نباه فيهم
للعلم فقط ترى اسمهم فئات مساعدة مش خدم
والله يعينج و تغيرين فكرتج و تحاولين تحلين الموضوع بهدوء
الله يعينكم..مادري شو اقووولج رمسي مطووع زيين