مشكلتي وايد كبيرة بعد موت ربيعتي واختي في نفس الوقت نفسيتي تعبانة شو الحل 2024.

السلام عليكم ورحمة الله وبركاته خواتي الغاليات مااعرف كيف اكتب مشاعري بس هالخبر انتشر حتى فالجرايد الاسبوع اللي طاف ربيعتي واعتبرها كنت مثل اختي واغلى شي عندي من عشر سنوات ماعرفت شو اسوي يوم سمعت خبر وفاتها في حادث فالشارجة كان الحادث قوي وايد انصدمت السيارة بالرصيف ومافي صيطرة واتدربحت 3 مرات ويوم عرفت عن خبر وفتها فالتليفون اتخبلت لانها من ايام كانت وايد تتصل فيني وتقول لي خاطري اشوفج خاطري اقعد معاج واسولف واقول كل اللي في خاطري تعرفون ليش لان عندها اهل ولا كان عندها لان محد يسال عنها ولا ابوها حتى تبرا منها بس عسب بغت تكمل دراستها وتكون مثل البنات حتى في اواخر ايامها تتصل فيهم عسب تكلمهم وتسمع صوتهم لكن مثل ماقالوا لاحيات لمن تنادي ربي لايسامحهم كنت انا اهلها وربيعتها وانا بعد ماكان عندي غيرها ربي يرحمها ويغفر لها وينور لها قبرها ويجعلها مع الصالحين الحين انا بس ابا منكم الغاليات شي انكم تترحمون لها وتعطوني الحل شو اسوي عسب مااتذكرها وايد مرات حتى يوم انا اسوق او اطلع مكان كم مرة بغيت اسوي حادث واناافكر شو الحل ترا انا ماعندي حد كان غيرها تنصحوني اسوي لي ربيعات عسب اقدر اغير من حياتي شوي مادري احس بعدني اصيح وقلبي بعده مااكتمل ولاشبع من الصياح الله يخليكم ساعدوني عسى ربي يوفقكم ويعطيكم العافية

الله يرحمها ويغمد روحها الجنه ..
اقريلها قران حبيبتي صدقيني بترتاحين واااايد ..
وصلي لها كل يوم ركعتين لوجه الله ..
وهاذي الدنيا محد دايم فيها .. وهم السابقون ونحن اللاحقون
وربج يسهل عليج ويصبرج ويصبر اهلها ..

ربي يغفر لها و يرحمها و يسكنها فسيح جناته امين يا رب

فديت روحج

والله يتني الصيحه ..

الصديقـ هو االاقرب لاي شخص

الله يرحمهآ و يغفرلهآ ..~

حاولي تشوفين صديقـه ثانيه ..
يمكن تكون شراتهآ..

يمكن تعوض بغيابهآ..~

الله يرحمهآ..

مع الايام حبيبتي ما بتصيحين كثر الحين
لانه الخبر بعده من اسبوع ..

اهم شي انج تدعيلهآ بكل صلاه

هي الحين مب محتايه غير الدعوة ..
الصياااح ما بفيد ..

شي طبيعي انج تصيحين شي طبيعي انج بفكرين فيهآ ..

بس مع الايام بترديين عادي

الله يغفر لها ويرحمها ان شاءالله

ادعيلها الغالية وترا الوت حق

الله يعينج ان شاءالله..

الغاليه ادعيلها بالرحمه وتصدقي عنها بس وهذا اللي بيفيدها الحينه وكلتا بندعيلها وياج والحياه جذي اساسا عاشر من تعاشر فلا بد من الفراااق وما في شي اصعب من الفرااااق
الله يرحمها ويدخلها فسيح جناااته ويغفر لها ولجميع اخواننا المسلمين يارب العالمين
والغاليه الحياه ما بتوقف لين هني وبس حاولي شوي شوي تغيرين من حياتج وكل ما يت ببالج اعتبري انها تناديج يعني محتاجه دعائج بهذي اللحظه
وااله يصبرج الغاليه كلنا خوات هني حبيبتي لا تنسين

الله يصبرج ان شا الله … كثري من الاستغفار واقري القرآن عن روحها وان شالله ترتاحين شوي