مشكلتي ويا اللغه الانجليزية 2024.

السلام عليكم
خواتي حبيت اطرح مشكلتي في المنتدى عل وعسى حد ايفيدني
وانشاء الله القى الحل عندكم
انا مشكلتي ويا الانجليزي يعني ماعرف ارمس الصراحة وما اعرف أصيغ الجمل لأن تأسيسي غلط على أيامنا كانو ايدرسونا المادة من صف رايع ونا ماكملت دراستي لين الصف الثالث الاعدادي يعني مستواي ميح مثل ماتقولون وأنا ألحين اداوم في شركة عقاري يعني لازم أتكلم وأفهم اللغه سألت عن كذا معهد محد نصحني أكثر الي نصحوني بالممارسه وأنا الصراحه أحاول إني ما أتكلم عربي وايد وناس نصحوني أقرأ قصص للأطفال وانشاء الله بحاول اليوم وببدأ وانشاء الله الله ايوفقني والي عندها نصيحه لي لاتبخل علي دخيلكم

اختي ما لج الا تسجلين في معهد عدل شرات المجلس البريطاني في ابوظبي ودبي وو ممكن تاخذين دورات تطرحهم بعض الجامعات من امريكيه الشارجه, واحسن شئ تدورين على وحده اجنبيه تعلمج انجليزي , وبعد دوري في الوسيط وايد اعلانات معاهد تدرس اللغه الانجليزيه بس اهم شئ المعلمه تكون يا امريكيه اوبريطانيه او كنديه

أنا بعد أختي شراتج ما أعرف انجليزي
حاولت ورحت معهد وتميت فيه شهر ولا استفدت ولااتكلمت انجليزي ولا شي ولا حتى جملة

بصرااااااااااااحه الممارسه ولازم تبعدي الخوف من النطق الخاطي يعنى نقيعي والله بتنظم لغتج وخديها عن خبره واي كلمه عارفاها بالانجليزى قوليها بصوت عالى ..وبتدعيلى

اختي اخذي كتاب تعليم اللغه الانجليزي مع شريط النطق .

او سجلي باحد المعاهد الي قريبه عليج اطلبي بدايه تعليم باللغه انجليزي وهم يحدوود مستواج .

مافيها شي اختي بدايه ما تعرفين بعدين عادي بتعليمين وتتكلمين بطلاقه

اوافقج الراي………………….