مشكله أزليه!! مرتب الزوجة العاملة!!!!!!!!!!!!!! شاركونا تجاربكم 2024.

بنات انا والله عندي مشكله وما ادري اذا كنت صح ولا غلط
بس داخلي انا مقتنعه جدا باللي اسويه و اشوف اني جدا صح في هالزمان اللي صارت فيه الخيانه مثل الهوا اللي نتنفسه

المهم انا اشتغل وراتبي الحمد لله مكفيني زين
المهم كان زوجي عنده سياره وبعد ما طلعت اليسن طلبت اني اشتري سياره ودرنا على المعارض وفي الاخير جالي يا بنت الناس انتي خذي سيارتي و كملي اقساطها وهو كان توه ييابنها وانا راح ايب وحده ثانيه
وافقت وطلبت منه ينقل الملكيه باسمي واتفقنا بعد سنه ويوم راح سجلها سجلها باسمه و جالي اف نسيت (كنا متفقين قبلها بكمن يوم)
قمنت عطيته مفتاح سيارته وجلتله خلاص مشكوره انا راح اييب سياره يديده وادفع كل ثمنها و ارتاح
جامت الدنيا وما جعدت لما اشتريتها وانتي تتحديني و احنا ما عندنا فلوس المهم انه بعد 3 شهور بدل سيارته
ثاني موقف كان يبى يشتري بيت واتفقنا اني راح اشترك معاه وادفع نص القيمه الشهريه للقرض وتم وجلتله انو يسجلي المبلغ اللي راح ادفعه فالبيت باسمي يعني حسب 20% 50% جد ما أدفع يسجل
عصب و انه لا وما نسجل باسم حريم اي شي وانا اشوف ان هذا حقي المهم بعد هالموقف ما صرت اشارك معاه في هالقسط الشهري بس وربي يعلم اني متكفله بنفسي و اولادي حتى اني مااخذ منه راتب شهري حج البيت والله ما مديت ايدي و طلبت منه درهم 5 سنين

والله انا مب ماديه ماريد احد يظلمني بس والله اني احس بالظلم واني متأكده انه لو أخته ما كان رضي عليها بهالوضع
5 سنين ما يابلي غير خاتم واحد ذهب هديه وما يعرف تهادو تحابو وانا الهدايا من أغلى و افخر الماركات

المهم بالاخير لما عرفت انه متزوج بالسر حمدت ربي و شكرته ان هالمواقف حصلت عشان اشيل فلوس فالبنك و ما اكون ضعيفه بوقت مثل هاذا واكدلي ان الرجال مالهم امان.

شو رايكم و احكولنا تجاربكم خل نستفيد