مصروف الزوجه 2024.

السلام عليكم والرحمه

اشحالكم ؟؟

حبيت اسالكم .. عن مصروف المتزوجات… انا صار لي شهرين من عرست ما اعرف في ها الامور

مثلا لما اروح السوق .. اشتري من مصروفي او اخلي ريلي يشتري لي

وبعدين لما ايخلص مصروفي .. اخ منه بعد ..

يعني ساعات لما ابي اشتري شيء ريلي يسالني شو سويتي بمصروفج *_*

ما عرف شو ارد صراحه ؟؟

يعني انتو شو رايكم ؟؟

عادي قولي له شوسويتي بالمصرف بيسالج مره ومرتين وبعدين بيسكت

بعدني مالجه

بعد لازم تعودي الريل يصرف عليج

مثلا سرتو السوق خليه هو يدفع ولا تدفعين من مصرووفج عسب ما يقول وين مصروفج ..اللي يقول الحين 5 الاف مصروفنا ههه

ان شاء الله جي بعلم ريلي انه يصرف عليه عسب يتعود وما اخسر مصروفي ههههه..

انا بعدني مااالجة بس اللي اعرفه ان اذا كنتوا مع بعض ريلج اللي لازم يدفع ..

حبيبتي ريلج ع ماعودتيه ..

يعني لازم تعودينه هو يدفع اذا طالعين مع بعض

وابداااااااااااااااااااا لاتدفعين الا اذا ماكانت عنده خرده خخخ ^^

بس صدق غلاااي كل مادفعتي انتي راح يتعود .. اول مره بتستحين بس عقب عادي لاتفكرين باليوم فكري بعقب عشر اسنين ورا .. لازم تعودينه هو يصرف ..

واذا خلص مصروفج قوليله .. وانا بصراحه امكمله سنتين معرسه وللحين استحي اقوله اذا خلص مصروفي

فأسهل طريقه اطرشله مسج واكتب له البلغ اللي اباه وشو اللي بشتريه وهوو مايقصر فديته

ربي لايحرمني منه ..^^

وانا مع الخوات عودي ريلج من البدايه انه يصرف لج واذا كنتي تشتغلين لا تاخذين معاج بطاقتج…ودايما خلي بمحفظتج مبلغ بسيط ………صج ريلج على ما عودتيه… ولدج على ما ربيتيه …عيل شو خانتهم ريايلنا

أنا عن نفسي مصروفي الشهري أخشه
ويوم يروح الدوام يعطيني 250
وإذا بغيت أشتريلي شي أخبره ونروح نتسوق وهو ألي يدفع