مص اصبع الابهام عند الرضع . ارجو المساعدة و النصيحة 2024.

ابني عمره 4 شهور و يمص اصبعه … حاولت امنعه و لكن من دون فائدة؟!
يا ريت تشاركوني بتجاربكم مع اولادكم بخصوص مصهم لاصبع الابهام

حتى بنتي وايد اتمص بديها لدرجه اتغص وتم اتهاوع تذبحني باللي اتسويه……….

بس امي تقولي عادي الطفل يسوي جذيه

بعدها صغيره ما بتعرف لو منعتيها

حاولي تقمطينها عدل او عطيها لهايه

بنت عمتي كانت تمص صبعها وهي في الصف السادس …. تعبت وياها عمتي .. فخلتها على راحتها …..سبحان الله كل اللي في البيت طنشها لأن اخوانها كانوا يعيبون عليها …. فجأة ودرت هذي العادة

انا بنتي لما كان عمرها 4 شهور تمص اصبعها وخفت اتم على ها العاده قمت اراقبها كل ما تحط اصبعها اشيلها وتميت على ها الحاله شهر والحين عمرها 5 شهور والحمدلله بدت اتخفف ما قامت اتحط اصبعها مثل قبل وفي شي ثاني حاولي اتخليها تلتهي بالعضاضه

أخواتي اشكوكم على ردودكم

امـ فطومـ : بس انا خايفه انه ما يبطل مص اصبعه

ام حمني و طمطم : و الله حاولت كل المحاولات .. حتى لبسته قفاز و مافي فايده … صراخ و بكاء

أسيرة الدمعة : طيب قوليلنا بنت عمتك اسنانها ما تأثرت . اقصد ما طلعت على برا … لاني صديقتي تقول ان ممكن يطلع للولد ضب في اسنانه و يحتاج بعدين " تقويم اسنان "

@ام حمد @ : كل ما اطلع اصبعه من فمه يصراخ و يبكي

لا تخافين انا بنتي مصت صبعها لين عمر الست سنيين وبعدين ودرته بروحها