شخباركم ..عساكم بخير في هالايام المباركه
كل عاموانتو بخير
اول شي يابنات انا وحده مقهورة ومضايقه لابعد شي
والسبب زوجي ><
الله يسلمكن انا متزوجه من سنتين والحمدلله عندي ولد ..
مشكلتي ماسميها مشكله بس شي يقهرني ويضايقني يوميا ..حطو ع يوميا خطط
زوجي الله يسلمكن ماحسه يههتم فيني
مايحب طلعات مايحسسني بحنان
بقولكم مثال ..[ يوم ربيت بولدي صادف اول ذكرى زواجنا وخلصت الاربعين و والعيد .. أنـآ لانه ذكرى اول زواجنا بعت ذهبي والله عشان اخذله هديه كشخه ..وفوق ذا تحنيت حنا عروس ولوية الصالوين وغلا الصاولين تعرفن مافي داعي اشرح …سويت كل ذا عشانه هو بسسسسسس قلت يفداااااه…غلفت الهديه وحطيت ورود وشموع وخليتها بالبيت لان كنت نفاس ذيك الايام تفاجأ واستانس وشكرني بس انا كنت اتوقع عالااقل يجيب وردة مسج حلو لكن ولااااااااااااشي والله خلصت الاربعين ورجعت ومالقيت شي حزززز في خاطري بس ماتكلمت يا العيد حتا طلعة ماطلعني صارحته وقلتله باللي ضايقني ولا اهتم طلعني وداني كارفور وردني البيت امحق طلعه وامحق تمشية <<تعرفون نفسية بعد النفاس
بس سكت ولاتكلمت .. كم مرة اقوله خل نسير دبي نقعد يومين يتعذذذذر ..
راس السنة ترجيته نبات ف فندق نغير جو اوعالاقل نسير دبي ماطاع قال زحمه ونفس اليوم ربعه قالو تعال بنسير دبي وراح معهم انا هني والله انقهرت وعصببت بس شسوي والله مايهتم
قاهرني هالريال … بتقلون ليش اتكلم عن قديم بس هالاشياء كل ماتذكرهاوالله احس بغغغغصصصه
وفي ذكرى يوم ملكتنا استحا ع ويهه وياب لي عطر بـ 40 درهم تخيلن .. وانا ابيع ذهبي عشان ايب له احلا هديه ماقلت ششي وشكرته وبينت له اني مستانسه وانا مضايقه من داخل
وذكرى زواجنا الثاني لاني احبه والله بعت خاتم من خواتمي وخذيت احلا ساعه وغلفتها وماكفتني فلوسي ورجعت وبعت سلسة عشان اتحنا واللبس واكشخ له واسوي له جو حلو
فعلا لبست وتحنيت وكشخت وطلبت عشا وسويت كل اللي اقدر عليه يا ذاك اليوم ناسي الموضوع اساسا تفاجأ واستانس ومثل ماتوقعت يا ويدة فاضيه ومشا الحال .. اليوم الثاني استحا وخذالي هم بعد عطر بو 70<< هالمرة اغلا شوي واااايد علي …وقسم بالله احس ان العطر غاااااالي علي
وربي تضااااايقت وحسيت ماهمممه ابدا
يابنات والله صدق مو بس ع الهدايا احسه باسلوبه بحركاته عادي عنده انام متضايقه عادي ارقد وانا تعبانه من شي مايبين لي اهتمامه وحرصه انا اشوف الشي وييعجبني واشتري له واللله ..افكر بس كيف اسعده بأي شكل
قبل شوي قبل ساعه انا من يومين ياني شد عضلي ف الرقبة يعني ماقدر احركها لايمين ولا يسار سرت المستشفى ودقولي ابر وبالغصب اتحرك وماتهدا الا بالحبوب المهم للحين اتألم منها قبل لا ارقد شربت الدوا وسكن الالم هو ياني يبغي راحته المهم بعد كل شي ييت ابا اقوم قمت بالغلط ورجعت رقبتي اشتدت وياني الم فظيييع لدرجة والله دموعي نزلت هو قال شفيج عورتج انا ساكتة ماتكلمت راح الحمام ورجع نام ولا كأن سوا شي ولا هتم ولا سأل وانا والله اتألم مايحس ماحسه يحبني
لاتقولن اغلب الريايل كذا ,, انا اللي اشوفه غير
رياييل ربيعتي ماشاءالله عليهم .. اخوي يهتم ف حرمتة لابعد حدوود يزعل عليها اذا بس ماتعشت ,,, انا والله مايسأل تعشيتي ولا لا شي ف خاطرج ولا لا موووووووووووووول
خاطري ف يوم يسألني يحسسني بأهتمامه
يابنات انا دخلت وكتبت لاني ماقدر اقول لحد اللي يصير بيني وبينه مايبن لحد ,,
ابغي شوركن نصايحكن هل اقدر اغيره
ولا اسويله طاف
اذا سويت طاف هو بيسوي طاف وعادي عنده
قسم بالله اني فيني غصصصه
بعتي ذهبج عششانه انتي مب مجبوره تبعين ذهبج عشانه تعوود انج تهتمين و دلعينه حاولي تسوين له طاف
اللي عليج الحينه انج تكتبين اللي ف خاطرج ف ورقه و حطيها ف موتره يوم بسير مكان دقي حقه و قولي له اقر رساله يمكن يسسستحي ع ويهه
غير جيه مالج الا الصبر الله يكون ف عووووووووونج
صح الحبيب ما يغلى عليه شي بس الواحد من اول جركه ينقرص
اول مره بعتي شفتي شو كانت هو قيمه هديته <<< الهدديا مو بالقيمة لكن انتي تكلمتي عن القيمه
المهم
طرشي مسج حبيبي انا جي وجي وجي وابي جي وبخاطري جي
ليش انت ما تبادلني الشعور والاحساس لاتحتفل بس ابي اهتماام
خلااص ما بعرس عشان ما اشووف هالاشيااء ههههه
انا من رايي تكلميينه قوليله ما ابا شي غير حنان وعطف
والحياه من بينا شو غير رحمه وألفة قولييله حسسني اني شي حلو ومهم فحياتك
يعني حاولي تقنعينه بالكلام الحلو وبهداوة وتفاهم
والله يهديه ويوفقكم يا رب
بس بقولج كل حرمه وشطارتها هي تحبب ريلها فيها وهي تنفره منها حاولي تمسكين يده قبل لا يرقد وقوليله انج تحبينه وتتمنين بس تسعدينه وقوليله انج متضايقه وكلميه بلي ناقصج بس باسلوب حلو وخلي نفسج مسكينه وبس
وقبل كل هذا نصيحة مني يا اختي اقرائي كل يوم 5 صفحات بس من سورة البقرة والله بتنسين شي اسمه مشكله ف حياتج