ممم في شي في خاطري من زمان ابا اقوله يخص الايلس ..
اولا انا دفعة 2024 و الحمدلله انجليزيتي جيده وليست ممتازه بس الحمدلله على كل حال ،،
الله يسلمكم في الجامعات و الكليات دايما يكون الايلس مطلوب و اذا ما يبناه ما بنقدر نعدي المرحله اللي نحن فيها ،،
بس سؤال يطرح نفسه ؟
"ليش اغلب البنات يواجهون صعوبه في الحصول على الباند المطلوب و يعيدون الامتحان مليونين مره عشان يوصلون له ^^؟"
يعني المشكله مب في البنات ^^
المشكله في المرحله التآسيسيه(المدارس) ..
نحن ايام المدارس كانت امورنا مختلفه نهائيا عن اللي واجهته في الجامعه !!
الانجلش وآآآيد مكثف و قوي بس فالمدرسه جددددا بسيط و كلمات بسييطه
في بنات عدو هالمرحله ومنهم انا والحمدلله وبنات الخاصه و بنات لا ^^ ..
اللي سارت تدورلها على شغل و اللي درست شي اصصصلن ولا على بالها بس لان ما فيه انجليزي واللي واللي واللي ؟؟
انزين سؤال قرار مثل ها اذا بيتطبق ع الاقل يكون التآسيس صح من البدايه ^^
والله انا اذكر ان منهجنا قووه شويه بس ثاني او ثالث ثانوي وواااايد بنات تبهدلو ورسبوا ^^ لان التآسيس غلط ..
انا كانو يعتبروني بلبل في الانجلش ايام السكول و يوم دشيت الجامعه انصدمت ان مستواي يكاد يوصل للمستوى المطلوب يعني ممشيه !
عقب اكتشفت لاي درجه كان مستوانا في المدرسه ضعييف اني انا كانو يعتبروني من اشطر البنات في هاي الماده !!
وبس في النهايه بعد هاللف و الدوراان لووول ابا اقول ان ليش هالقرار ما يعدلون عنه او ع الاقل يهيأون البنات لمثل هاي الامتحانات ؟؟
يعني احس وايد بنات انظلموا في هالسالفه ؟؟ نحن ما نروم نتعلم الانجليزي في كورس ولا سنه !
هاي لغه يبالها اساس ومتابعه و مده عشان الواحد يتمكن منها ^^
( اذا البنت خلصت سنوات دراستها و ماقدرت تيب الباند المطلوب يعني سنوات دراستها راحت ع الفاضي؟؟ يعني اتم تعيد الامتحان مليون مره و ما تقدر على هالباند اتم ميلسه فالبيت؟؟ واللي درسته ؟؟"هاي قصة وحده اعرفها" – تقول انا محتاايه الشهاده عشان اشتغل و مب قادره ادفع كل مره حق الايلس –
وغير عن جي ما يطلبون المجموع لا ،، في كل مهاره يكون الباند نفسه مب اقل يعني اللي تيبلهم المجموع المطلوب بس في مهاره وحده الباند اقل ما يقبلون الشهاده ولا جنج امتحنتي 
انتوا شو رايكم ؟؟
وربي انا بعد اعاني من الايلس
مع اني كنت في مدرسه خاصه ونسبتي 80
يوم دخلت الكليه
درسنا حق ايلس 4 شهور يوم سويت الامتحان يبت 4.5
هم يبون 5 احس ظلم وربي
سجلت في كليه الشباب وامتحان تاريخ 27
بخبرج عن نفسي انا دخلت الكلية سنة ٢٠٠٧ وخذت الايلس ٢٠١٠ اعتقد
والحمدالله ماشاءالله خذته من اول امتحان وباند ممتاز مب بس انا ووايد بنات اعرفهم بس بعد في بنات اضطرو يعيدونه مره ومرتين وخمس عشان ياخذون الشهاده
لاحظت من البنات اللي عادوه اكثر من مره كانو يقولون ان الامتحان حظ مرات سهل مرات صعب واللغه ممارسه كل ماعرفتي كلمات اكثر وعرفتي تستخدمينها وتعودتي تتكلمين وتسمعين وتقرين وحتى تفكرين هيه يكون تفكيرج انجليزي بتحصلين الامتحان سهل او حتى على الاقل مقبول
وانا هالسنة مستجده في الكلية الله يعين ويوفق الجميع
انا هالسّنه إن شاء الله رايحه ثالث ثانوي
عاد أنا بتكلّم عن بوظبي بما أنّها منفصله في أغلب القرارات التعّليميه
تقريباً من سنتين تغيّر أسلوب مناهجنا للأحسن ولله الحمد
صحيح يونا أجانب وغربلونا وبدونهم بيكون الوضع أفضضضل بكثير ( السّنه اللي طافت أول شهر درستني أجنبيه و كانت بس تسولف معانا و نسألها كيف تسوين هالتسريحه و ميكبج حلو ومدري شو ههههههههه
المهم مادرّستنا ولا شي خلال شهر كامل ! ! ! بعدين انتقلت ودرستنا مس مصريّه
وقالت إييي دي المصيبه ! مابديتو فالمنهج و بس .. بدينا من الصفر
جني طلعت عن الموضوع خخخ بس حبيت أقول انّ قرار أنهم اييبون أجانب
سي جداً لانهم مجرد ديكور ما نفعونا ابداً ، و هذا غير ان طريقة من تدريسهم تحس أن ماعندهم شهادة تدريس جامعيه !! وهالشّي اللي توقّعه كثيرين
الحين بتكلم عن عن أسلوب المنهج خلال السّنتين اللي طافو
تغيّر تغييير ملحوظ ويخدمنا فالمرحله الجامعيه
صارو يعلمونا نعتمد على نفسنا
أول شي المس تعطينا فكره الموضوع اللي بنكتب عنه بعدين تعلّمنا كيف نرتّب أفكارنا وكيف نبدا كتابه
الباراجراف . هالشي مع أنه مهم وأساسي بس ماتعلمناه فالسنوات السابقه بالشكل الصحيح
والحمدلله كل البنات مستواهن كان يتحسّن .
رغم أنّه كان أسلوب جيّد بس نزّل من درجاتنا وايد لأنه اسلوب يديد علينا وصعب
أنا فثاني ثانوي كنت الثالثه ع الصف ودرجتي فالإنجليزي 3 أحسن درجه
يبت
يبت
57 خخخخخخ
لان المس كانت مب أوكّيه
وصح نحن تعلّمنا وايد أشيا بس لأنه كان شي يديد علينا ما أتأقلمنا
عشان جي فالدرجات فشلنا فشل ذريع
بس أقوولكم ثاني ثانوي يبت 94 !!!
اللي حبيت اقوله أنّ الأجيال القادمه هالقرار بيكون فصالحهم اكثر لان من البدايه
تأسيسهم صح وصف أوّل صارو يدرسونهم مهج ثالث أو رابع !! و رابع منهج أول اعدادي وهكذا
.. بس لاحظت أني استفدت واااايد من هالسّنتين خصوصاً السنه اللي طافت
لان المس كانت اوكي والمنهج جميل
وأحس إني فالإنجلش أحسن بكثييييييييير من خواتي يوم كانو فعمري
وربي يعطيكم العافيه
بس ياريت لو يغيرون المنهج الإنجليزي في المدارس،، لأنه صدق واااايد تعبان كأنه مال الروضة