اول شي الحبوب سببها الدهون الزايده في منطقة الظهر ف لازم نجفف هالدهون باستخدام صابون تاثيره مجفف انا عن نفسي استخدم صابون تركي من بوث في ستي مردف اسمه art of soap
ثاني شي يوم ابا اغسل شعري ما اخليه يلمس ظهري ابدن انزل راسي تحت الشاور واحط شامبو وكوندشنر او ماسك المعم اخلص من شعري وانا بنفس الوضعيه بعدين الفه بقباضه على فوق لازم ما يلمس الظهر لانه ماسكات الشعر والبلسم لها تاثير دهني ونحن مب ناقصين دهون في منطقه الظهر… بعد ما اخلص من الشعر ابتدي اغسل جسمي بالصابون اللي خبرتكم عنه في النقطه الاوله واركز ع الظهر واستخدم البف مال الظهر اللي في بدي شوب
ثالث شي الترطيب اذا انتو ترطبون جسمكم بعد الشاور عادي حطو المرطب على الجسم كامل واتجنبو الظهر والاكتاف مول لا تحطون عليهم شي….
وبس هاي تجربتي لين الحين ولله الحمد الحبوب جفت ما تمت الا اثارها بس والحين احاول اخفف لونهم اسوي سكراب بالملح من فتره لفتره
هي عندي ملاحظه للي يسوون حمام مغربي في الصالون اكيد الحرمه عقب ما تفرك الجسم تحطلكم شامبو وبلسم وللاسف ها كله يسيل على الظهر من بعد ما شلت الجلد الميت ف تتركز الحبوب اكثر.. اذا بتسسون حمام مغربي قولولها ما تحطلكم شامبو او بلسم او ممكن تحطون بس بالطريقه اللي خبرتكم عنها انكم تنزلون شعركم بحيث ما يلمس الظهر
وبس..نعيما مقدما.. واللي استفادت تدعيلي دعوه حلوه في ظهر الغيب
…
.gif "55 (11)")
وربي يوفقج