المرحلة الأولى وهو الوصول إلى الوزن الصحي.
المرحلة الثانية وهو الوصول إلى الوزن المثالي.
في موضوعي هذا سأطرح فيه بداية مشواري للمرحلة الأولى و الوصول للهدف الجميل المنتظر
الهــــــــــــــــــــــــــدف هــــــــــــــــــــــــــــــو نــــــــــــــــــــــــــــــــــزول 10 kg
و لتحقيق الهدف سأتبع خلاله الآتي:-
# تم الاشتراك في نادي رياضي.
# تخفيف الأكل ومراقبة نوعية الطعام الذي أتناوله.
*بديت مشواري بتاريخ 22/9/2013
وفي الأيام القادمة سيتحدد لي خلال كم ممكن أخسر 10 كيلو.
ماريد أضغط على نفسي وجسدي وأقول خلال شهر أو شهرين أو 3 أو أحدد مناسبة معينة لازم أطلع فيها بصورة مغايرة.
لأني جربت وحطيت تواريخ من قبل ومانجحت فيها، هالمرة بخلي الفترة مفتوحة وحسب استجابة جسمي أنا بعرف خلال كم ممكن أوصل للهدف المنشود.
حماسي مرتفع
وقاعده أشوف الهدف أمامي
أتمنى حماسي مايقل في الأيام الياية
ومابوقف إلا وأنا واصلة الهدف الأول.
بدينا وعلى الله توكلنا
يعني 4 أيام
خلال هالأربع أيام رحت فيهم النادي 3 أيام مع مراقبة نوعية الأكل اللي أتناوله
انضبطت أكثر في الأكل اليوم و إن شاءالله أواصل على هالمستوى وأحسن في الأيام الياية.
نوعية الرياضة اللي أمارسها متنوعة
مشي سيكل أيروبيك و أجهزة متنوعة و مختلفة بوافيكم فيها في الأيام الياية.
نوعية جسمي نزوله بطيء جداً وهذا اللي يحبطني في المرات اللي طافن
بس بإذن الله بتغلب على هالشي.
منوره القسم
ان شاء الله بتضعفين ويتحققين أهدافج
بس ما قلتي لينا جم وزنج وطولج
اممممم ما بتحطين يومياتج شو كلتي وجي
نفس مشكلتي نزوووول وزني بطيء وااااايد الله يعين
ربي يوفجج اختي
شرفتيني بمرورج
ماشاء الله عليج فراشة من فراشات هالقسم الجميل
تدخلين المواضيع وتشجعين أصحابها..
عسى توصلين للوزن اللي تبينه وانتي بصحة وسلامة يارب
بالنسبة لليوميات ونوع الأكل أنا مب ملتزمة بريجيم محدد
قررت بس تخفيف أكل وممكن في الأيام الياية أسجل شو الأكل اللي كلته.
شاكرة مرورج عزيزتي.
مووفققه
بس ماقلتلنا كم وزنج وكم طولج 
+ حطي يومياتج عسب نتفاعل وياج اكثر ههههه
أختي سارة
شاكرة مرورج عزيزتي
وكل التوفيق في يومياتج ويارب توصلين للوزن اللي تبينه وأنتي بصحة وسلامة.
بالنسبة ليومياتي يهمني فيها الجهد المبذول من خلال التمارين الرياضية أكثر من أني أتبع ريجيم محدد.
لان الأجسام اللي نزول الوزن فيها بطيء وعمليات الأيض فيها بطيئة تحتاج أنها تبذل جهد مضاعف وتسوي رياضة حتى لو مشي يومياً .. أهم شي الرياضة والحركة أما أني أتبع نظام ريجيم هذا ماينفع معايه بس أتبع نظام التخفيف وأتابع نوعية الاكل اللي اكله.
مع هذا بحطلكم شو كلت اليوم.
الريوق: توست أسمر مع بيض وجبن ( أساسا ما أحب الخبز الأبيض والمعجنات بشكل عام لأنها تعورلي بطني ومايقدر يهضمها) أما القمح الكامل بالعكس أحبها وتنهضم. كأني حكيت قصة حياتي 
طبعاً أهم شي عندي الريوق من بدري وهذا شيء أساسي عندي سواء يوم أكون في حمية غذائية أو غيره. لازم أتريق بدري وأشرب دبة ماي قبل وبعدها بفترة قصيرة أتريق.
فترة الضحى: كلت فواكه
الغدا: صدر دياي مشوي + سلطة
العشا: كورن فلكس مع حليب خالي الدسم
وهذي حطيت يومياتي يا سارة وملاك 
وان شاء الله الكل يوصل للوزن المثالي
بالعافيه عليج
يومجج حلو
ربي يوفجج