اتعرضت لاكبر صدمه في حياتي…………….
زوجي طعني طعنه ومب عارفه كيف اوقف على ريولي……………
خاصة وانا الحين حامل بمولودي الثالث.. و اصعب حمل مر عليه…. كانه اتروالي قبري من هال حمل..
ولا الحين الطامه الكبرى بعد ما اكتشفت شو ريلي امسوي!!!!!!!!!!!!!
اسأل نفسي… ليش انا يستويلي هالشي…. ( استغفر الله) .. انا انسانه دوم كنت اعصم نفسي عن الغلط ولا اضايق اي احد ولا ظلمت احد….. من انا صغيره….. اصلي واتستر ولا كلمت او واعدت شباب…….
واخرتها………… يستويلي شي موووووووووووووووووول ما كان في الحسبان…………..
والاصعب……….. اني احس اني وحيدة………
ولو اني بين اهلي… بس حاسه اني خجلانه ومستحيه.. والغلط مب غلطيه….
ما عندي احد اكلمه ولا! احد!!!
ربيعتي اللي كانت قريبه مني.. للاسف صارت علاقتنا ويا بعض فقط عاديه و ما نتواصل شرات قبل.. لاني!! ما كنت قد الصداقة اللي تباها….
احاول اتمالك نفسي.. وايود نفسي اني ما اصيح… لاني من النوع اللي ما يحب احد ايشوفه يصيح……….. بس شو صعب …………… اصيح في الحمام واغسل ويهي واطلع…
مب قادرة ارقد الليل…. وكلله احس ابدوخه…مثل ما قلتلكم حملي هذا من بدايته جي وانا الحين ما باقلي غير شوية شهرين قبل ما اولد… ..
واحاول اني اكمل يومي مع عيالي….. هم اصغار وايد…. وصعب التعامل معاهم..
بلييييييز خبروني…
كيف الوحدة اتواصل حياتها…………………..
شو اسوي.. و وين اروح….
منو اكلم…
اذا اتعرفون شي رجاءً خبروني……
واهم شي دعواتكم لي ولعيالي….
دعواتكم…….
لان دعاء الحامل في شهرها الخير مستجابة
ادعي ولا تيأسين…دعاء الحامل مستجاب لانها في مرحلة تشبه وضع المجاهد في سبيل الله
لو البكاء ينفع لكنا كلنا بنبكي…
عموماً ماعندي غير ربي يصبرج
حبيبتي الله يصبرح
حسبي الله ونعم الوكيل
الله يصبرج ويكون في عوونج ويهدي ريلج ويرده لعقله
ان شالله ريلج يردلج والله يهديه
فديتج غناتي خلج قوووية بايمااااااانج وانسي كل شي وفكري بعيااالج
انتي نفسيتج راح تاثر عليهم
ادري صعبه عليج بس انتي ام وتعرفين كيف اضحين عشان عيالج
انسي ريلج ودنيتج كلها وفكري بربج وعيالج بسس
قولي الحمدلله ودايما فكري بالجانب الزين والايجابي من الموضوع
ودايما خليج قريبه من ربج عشان ترتاحين نفسيا
الله يعينج غلااااااااااااااية
المشاركة الأصلية كتبت بواسطة نبضة أمل 
لان دعاء الحامل في شهرها الخير مستجابة
ادعي ولا تيأسين…دعاء الحامل مستجاب لانها في مرحلة تشبه وضع المجاهد في سبيل الله
لو البكاء ينفع لكنا كلنا بنبكي…
عموماً ماعندي غير ربي يصبرج
كلامج اسعدني.. شكرا لردج.. ما كنت اعرف هالمعلومه……
تاكدي انه اختبار من رب العالمين عشان جي استعيني فيه وادعيه انه يقويج ويمدج بالصبر
اكثري من الاستغفار وخلي دايما التسبيحة في ايدج .. ^^
كل مابغيتي تصيحين صيحي عند رب العالمين اللي يمهل ولا يهمل ^^
صدقيني بترتاحين اذا دعيتيه واشتكيتي له ^^
والله يهدي ريلج ويعرفه كبر غلطته بحقج ^^
ويارب ان شاء الله تنصلح الامور بينكم وترجع المياه لمجاريها ^^
والله عورتي قلبي ياوخيتي .. مب عارفه شو اقول اكثر 0_0
الله يكون بعونج 0_0
دعواتي لج بظهر الغيب ^^
.
.
اعرفي شي واحد ان محد غير الله الا بيظهرج من هذا البلاء وعليج بالدعاء في قيام الليل وعليج بصلاة الفجر والدعاء فيها ….
وعليج بالاستغفار بعد كل صلاة 100 او 200 قد ما تقدرين وبقولج شي في السجود ادعي ان الله يشل البلاء عنج ويصبرج ويقوي قلبج ويبعد الحزن عنه ….
وقبل النوم حاولي ان تقرين سورة البقرة كامله او جزئيها طول اليوم ….
صدقيني بعد فترة بتلقين ان الدنيا صغيييييرة ولا تسوي شي من الا سويته من ضيق في عمرج
وقد ما تقدرين ابتعدي عن الاشياء الا تذكرج بهذا البلاء
وقولي بين فترة وفترة يارب وكلت امري لك وانته الوحيد الا عالم بحالي ارحمني برحمتك يا ارحم الراحمين
وبعد صبراً جميل وبالله المستعان
وادعي بالهداية لزوجج
والله يكون في عونج
واييسـر أمرج
ويفك ضيقتج يااااااارب