معكرونه بالدجاج 2024.

:1 (20): السلام عليكم ورحمة الله وبركاته
خواتي هذه أول مشاركة لي بالمنتدى وأنا بطبعي أحب الطبخ بس لي فيه مواسم مرات أدخل المطبخ وما أطلع إلا بالشي الجديد ومرات ما يكون لي نفس أسوي أي طبخه وعندي اليوم طريقة وايد حلوه وهذه مقاديرها :
باكيت معكرونه مسلوقه
صحن صدور دجاج مفور ومقطع
بصلتين مقطعات قطع صغيره
جزرة مبشورة
بقدونس مفروم
حبة فلفل بارد
:1 (4): ( زيتون أسود وأخضر مقطع شرائح للتزيين + نعناع يابس + جبنة موزاريلا)
وقليل من البهارات ( ملح + فلفل أسود +كركم +بهار )
( كوب حليب طازج مع علبة قشطة مع كوب متوسط جبنة كرافت هذا في الخلاط الكهربائي )
الطريقة
يقلى البصل حتى يحمر لونه قليلا ثم نضيف عليه الفلفل البارد بعد أن يذبل نضع الجزرة المبشورة مع البقدونس ثم الدجاج المقطع والبهارات ويقلب على النار
في بايركس نضع نصف المعكرونة ونبشر عليها جبنة شيدر نصف العلبة فقط
نضع خلطة الدجاج ونبشر الباقي من الشيدر
ثم نضع باقي المعكرونه
بعد خلط ( كوب الحليب مع كوب جبن كرافت مع القشطة ) نصب الخليط على المعكرونة ونزينها بجبنة الموزاريلا والزيتون ونرش النعناع اليابس وتدخل الفرن لتحمر قليلا من أسفل ثم من أعلى وبالعافية
جربوها تراها تجنن

يعطيج العافيه وتسلم ايدج الغاليه

مشكورة اختي و تسلم ايدج …. و بالتوفيق ان شاء الله

اختي عادي اذا استخدمنا دجاج مفروم..

تسلم ايدج
ويعطيج العافيه….

يعطيج العافيه وانا احط معاها المشروم والبيبي كورن وتطلع روعة