معكرونية بالبشاميـل . وصفة قمـوز البسيطة والسريعة. بالصور 2024.

الصلصة الحمراء :-

لحم مفروم ( الكمية على حسب الاشخاص انا استخدم نص الكمية اذا كان لشخصين لو لـ 6 اشخاص خلي الكمية كلها )

بصلتين وسط قصيهن صغار
3 طماطات قصيهن صغار
بقدونس
ملح + فلفل اسود + كمون + كزبرة

اول شي حطي اللحم مفروم عقب ماتغسلينه وتمي حركيه يلين مايجف ماي اللحم وعقب صبي زيت وحطي البصل وحركيه يلين مايحمر .. خلاف حطي الطماط ويلسي حركي وفي هالوقت حطي البهارات ..يوم بتشوفين الطماط ذابن سكري عالجدر طشونة خلي يطبخ شوي وعقب صكري عنه الضو ..

الصلصة البيضا( الباشميل ):-

يبي ملة فيها طحين منخول
وكوب حليب نيدو
الماي نص الجدر اللي بتسويبه الصلصة ومذوب فيه الحليب النيدو
جبنة سايلة << افضل بوك او المراعي
زيت
مكعب ماجي
ملح
فلفل اسود

فالجدر نحط زيت ونصب نص كمية الطحين ويلسي حركيه يلين مايتحمص الطحين بس مب يحترق .. عقب صبي عليه الحليب اللي سويناهويلسي حركي
حطي الملح والماجي حبة طبعا ..والفلفل .. وحركي .. عقب حطي خاشوقتين كبار جبنة وحركي يعني خليج شغالة فالتحريك .. لين ماتحسين البشاميل اغلظت .. اذا شفتيها بعدها رجيجة زيدي خاشوقة طحين وحركي .. لين ماتغلض وسكري الضو عنها ..

يبي بايركس .. حطي في ارضيته شوية بشاميل .. وعقب حطي شوية معكرونية فالأرضية .. وعقب حطي الللحم اللي سويناه و ردي حطي المعكرونية الباجية كلها وصبي عليها الباشميل وانثري عالويه جبنة موزاريلا المبشورة .. وحطيه فالفرن من فوق لين ماتحسين الويه احمر

وبالهنا والشفا ^_^

^_^ تمـت طباعة الصفحه

مشكووورة

لوووول يلا اطبخي وراوينا

ياحافظ عليج ياالقمزيه

عيني عليج باردة .. ياليتني اعرف اسوي ربع اللي تسوينه ..

تسلم اصابعج خيتو ..

يم يمي ..والله شهيتني ..

تسلم يدينج ..وربي يعطيج العافية..

تسلم يدك على الطبخه يالغاليه اليوم سويت صينيه مكرونه بالباشميل