طبقا الطبق اليوم سريع وخفيف
هذا يوم كل حرمه بتكون مشغوله ومستعيله وتبى شي سريع
بحط لكم الصور وتحتها بحط التعليقات ..
واسمحولي
المقادير :
كوب ونص ارز ابيض بسمتي
علبه تونه فاخره
بصله واحده مقطعه الي قطع صغيره
طماطه متوسطه مقطعه الى قطع صغيره
ملعقه ونص( صغير ) بهار حلو
ملعقه ( صغيره ) فلفل اسود
نص ملعقه ( صغيره ) بهار حار
نص ملعقه ( صغيره ) زنجبيل مطحون ناشف
ربع ملعقه ( صغيره ) ثوم مطحون ناشف
ملح حسب الرغبه
يمكنك استبدال الزنجبيل والثوم المطحون بالرطب لطعم ومذاق اقوى وحاد
واليكم الصور
1-
الارز يغسل جيدا ويضاف الى الماء الساخن( الماي لازم يثور- يفور ) المضاف اليه الملح والزيت
وفي نفس الوقت
سخني ( مقلاه _ تاوه ) متوسطه الحجم واضيفي لها قليل من الزيت
1-
اضيفي البصل المقطع لقطع صغيره واتركيه حتى يصبح ذهبي اللون
2-
اضيفي الطماطم الى البصل الذي سبق تحميصه
اتركيه لمده دقيقه
3-
من ثم اضيفي التونه واضيفي اليه ربع فنجان ماء والبهارات
فهالوقت ردي للارز لا تنسينه ويستوي هريس
شوفي حبته صارت بهالطريقه اشخليه بالمشخله
واتركيه مده لاتزيد عن 5 دقايق في المشخله
ادهني قاع القدر بشويه زيت وردي الارز ( العيش ) في القدر <<<< اونه لغه فصحى
الارز اتحطينه فالجدر بس نص الارز
وبعدين ضيفي التونه وردي النص الباجي من العيش حطيه فوق التونه
وبعدين سكري عليه وخليه 10 دقايق لين ينضى العيش عدل
ومن يخلص قدميه وبالهنا والشفا
واسمحولي لو الصور مب واضحه
وهاي اكلتي السريعه فاجواء الغربه البارده
واسمحولي
اختكم عجيد
مالي اي ميول مطبخيه << الله يعين الريل
بالعافيه عليج ^_^
هذي اكله سهله بالغربه نفس اربيعاتي بالسكن يأكلونها دوم —–> وحده ماتحب البحريات لولز