مـا تـنـاسـيـتـك
أنا احلم بك إذا قلبي
يفكر لحظةٍ ينساك
واعود اتذكّرك حتى
لو انّي ما تناسيتك
أنا اتذكّر محبتنا
وعشرتنا قبل فرقاك
واقول الله يالغالي
أنا وش كثر حبيتك
***
سنيني بك تذكّرني
وعمرٍ ضمني وياك
وشوقٍ به تلاقينا
إذا اشتقتك واذا جيتك
ليالينا التي كانت
تحس بهمسي ونجواك
تراها مثلي تتذكر
أنا ياكم تفديّتك
***
حبيبي دارت الدنيا
وفارقنا الزمن هذاك
ومدري هل بتذكرني
اذا في يوم لاقيتك؟
أنا محبوبك الأول
أنا اللي ما قدرت أنساك
أنا انسى بس نسيانك
ولا اذكر تناسيتك
علي الخوار
ماشاء الله منورة القسم اليوم بروعة طلتكِ ورقي ذوقكِ
غاليتي أشكرك على المشاركة الجميلة
وأنتظر المزيد منكِ
دمتِ غاليتي بألف ود
و نورتوي صفحتي بوجودكم
اللهم فارج الهم كاشف الغم مجيب دعوة المضطرين اذا دعوك رحمان الدنيا والآخره ورحيمهما اللهم ايدني بفرج من عندك يارحيم واغنني بحلالك عن حرامك يارحيم
اللهم يسر أمري …. وفرج عنا برحمتك ياقريب يامجيب … عاجلا غير آجل يارب العالمين
لا عدمناج الغلا
والله يفرج هم كل مهموم ياااااربي