أنا ييتكم هالموقع وانا عارفه اني بلاقي منكم النصيحه ،،
المشكله هني معقده ،، احس ماحد يقدر يحلها الا اخصائي نفسي ،،
قبل ماقول ابا قبل كل شئ اي بنت ترد رد يبرد الفؤاد دخيلكن ولا تمن تجرحني فوق ما أنا مجروحه
المشكله شو ،،
عندي بنت خالتيه اصغر عني ب3 سنوات ،، انا مرره ماكنت وياها ولا اسولف ولا شئ بحكم انها بعدها ياهل ،،
هي ماشاء الله عليها شطوره تخرجت من الثانويه ودخلت الجامعة ع اساس تدرس طب ،، عقب ماسوت المقابله رفضوها !!!
حليلها يتها حاله ،، انا كنت ذاك اليوم في بيت خالتيه وبالصدفه يلست ويااها وعرفت كل شئ
حليلها يلست فضفضت لي كل اللى في خاطرها ،، قالت لي انا بدق لج خلي بينا تواصل انا ارتحت لج واباج تكوني ويايه
انا بدرس طب بس برااا وباخذ اخوي ويايه وابوي ماعنده مانع !!
قلت لها اوكي بيكون بينا تواصل ،،
المهم حليلها البنية كل يوم تتصل فيني 4 الى 5 مرات وسوالف ليين قويه العلاقه من بينا ،، استوت شرات اختي والله
قدمت على منحه دراسه براا بس لين الحين ماشئ استوى
ماردوا عليها بعدهم
الحين بتسالوني وين المشكله ،، المشكله انها انقلبت عليه مره وحده 180 درجه
اقولها شو استوى فييج ليش جيه متغيره تقول مب متغيره ولا شئ انتي شو فيج عليه ومادري شو ،،
والله والله اني لين الحين انا شاكه هي نفسها والا لا ،، ياليت يعني اتصال يكون زين واتصال ضرابه ،،
المشكله الحين كل اتصالاتها ضرابه ،،
مرات تقولي بنت عمج ( ربيعتي الروح بروح دوم وياها ) هاي خقاقه ،، وانا ماحبها ودريها ،،
ومرات تقولي اختج انا مادانيها مالت على خواتج من زينهم ماحبهم ،، ومرات تقولي انا كارهتنج // ومرات تقولي انتي ماعندج اسلوب اسلوبج خايس !! مع اني والله ثم والله اني يوم ارد عليها ارد باحترام ماقد غلطت عليها وهي تهاوش ماعرف مب عايبنها اسلوبج ،،
مرات تقولي انتي وحده تقهرين ،، يوم اقولها طمنيني عليج او يوم ببند اقولها اهتمي بنفسج ،، تقولي ياااااااااااهل انا ياهل وتسكر في ويهي ،،
المصيبه انها هي اللى تدق مب انا يعني انا ما انكر اني ادق لها بس هي اللى تدق لي اكثر شئ ،، وان مارديت سوت لي محاضرة طويله عريضه ،،
اليوم اقولها يوم كل شئ مب عايبنج فيني ليش تدقي لي ليش ترمسيني قالت لي ماااااااااااعرف ماااعرف يالله بااي قلت لها لحظة وبندت
دوم هالحركه يالله باي وتبند في ويهي وانا ماريد ،،
والله اللى تسويه اكثر من جيه ايلس اصيح ما عرف شو السالفه من الصدمه ماعرف كيف ارد عليها ،، احسها مريضه نفسينا مسحورة والله ماعرف ،،
يعني لو انها مره دقت وردت لي طبيعيه نفس قبل مره وحده بس بقول لا البنت طبيعيه
المشكله لا انا عايبتنها ولا تبا تخليني مااااااااعرف بنااات جان فهمتوا مشكلتي
ابا اعرف كيف اتصرف وياااااااااااااااااااااها؟؟؟؟؟؟؟؟
والله اني تعبت واحس بخنقه وضيجه منها ،، الله يسامحها
مع انها هي اللي بغت تقوي علاااقتهاا وياااج ..
ربــــــــــــــــــــــــــــــــي يكووووون في عوووووووووونج حبيبتي
وخليج ابعيده عنها فتره
يمكن اتحس عقبهاااا
وبتتصل بج
=)
والله يعيييييييييييييييينج
والسسسموحه
يمكن هيي تغار من ربيعاتج وخواتج عشان جييه تسويلج هالسوالف. او عندها مشاكل وانتي الوحيده اللي تسمعينها فمن جييه تحط كل حرتها فيييج..
الغاليه انتي حاوولي تقولين لها انا احبج واعزج وانتي غاليه علي بس ليش تعامليني بهالاسلوب؟ عندج شي تبين تقولينه او تبين تفضفضين لي بشي..
جربي وياها وقوليلنا شو سويتي..ولا تضايجين بعمرج ترى مرات الواحد يكون متضايج من عمره ويعق رمسه مالها داعي اذا كانت عنده مشاكل ولا مهموم..
و الله يصلحها
..