حبايبي
اول شئ اعتذر منكم عشان عنوان الموضوع خفت اكتب مفاجاة للكل او مثلا للوالدين و الزوج الى آخره و ما تدشون 
بس دام السالفه فيها الزوج المصون اعرف الكل بيركض لووول
بصراحه انا وحده مافيني على المفاجئات الكبيرة مثل الحجز بالفندق و اليخت و ما شابه ..صعب عليه والله و لذلك احب المفاجئات العملية الصغيرونة
و النتيجه نفس الشئ
اليوم فكرت اشارككم فكرة بسيطه جدأأ تفاجئين فيها ابو العيال او الزوج بالاصح
و الفكرة مب ليلة رومانسية اللي كلكم متعودين عليها بل هي
مناسبه لشكر
الزوج و التقدير و الامتنان له
دام انه مو مقصر و كلنا نعرف مافي انسان كامل
و اي شخص و اولهم نحن لنا ايجابياتنا و سلبياتنا و لكن عسب نعيش الحياة
باكثر سعادة و هناء المفروض لما نبغي نقيم شخص ما نذكر فقط سلبياته
بل بالاخص نتذكر ايجابياته كي يكبر هالشخص بعيننا..و هالشئ اللي مؤخرا
اسويها و اشوفها اول ناس يرتاحون انا !
في بيت يخلو من المشاكل 
؟؟
؟؟لا طبعأ
في بيت 100% الزوجين متجانسين ؟؟
لا طبعأ
في بيت و في بيت وفي بيت
( اختصرت لان مافي شئ ببالي اضيف )
)
المهم ما تعتقدين حان الوقت كي تشكرين
زوجك على كل اللي مسولج و مسوي
لعيالكم ..كل زوج حسب مقدرته طبعأ …مب وحده ريلها ما يقدر و ما عنده امكانيات و تقول ما سفرني و ما شرالي خلاص ما يستاهل اشكره!
شوفي سعيه لسعادتكم 
او الزوج اللي
ما يقصر بوالدينكم بالاحترام ؟؟؟ ما يستاهل الشكر؟؟؟طبعا يستاهل
و العكس صحيح..
هل الشكر و عمل المفاجئات مقصر على ليالي رومنسيه؟؟.gif)
لا طبعا …
المهم ( حسبوا كم مرة كتبت المهم )
)
لانني كل مرة ابغي اختصر الموضوع و اتذكر شئ ههههه
المهمين ! بخليكم تشاركوني حفلتي الجدأأأأ كتكوتة
و الفكرة هذي
مب مخصصه فقط و فقط للزوج !!!! .gif)
بل
ممكن الزوج المصون يسويها لزوجته و
يشكرها .gif)
نعم و ليش لا ؟؟؟.gif)
و ممكن الاخوات يسوونها لوالدينهم حتى اللي بالمدارس
حتى اللي بالمدارس
و ممكن للعيال ان كانوا مؤدبين …
و بالذات من
يستاهل تسوون لها بين العيال؟؟
اللي كان مشاغب جدأأأأ و حتى ممكن تقولون غير قابل للسيطرة
و لكن بعد ما كلمتوه اهداء و صار قمر و عسل و شكر
هالطفل يستااااااااااااااااااهل تشكرونه و تقدرونه و لو بمفاجاة كتيكوتنه ؟؟
و لو بمفاجاة كتيكوتنه ؟؟
الموهييييييييييييييييييييييييييييييييييييييييييم
( هاي آخر مرة اكتب المهم )
تفضلوا لحفلتنا و لا تنسون تدعون لنا و
تقولون ماشاءالله و لو بخاطركم
و لو هي بسيطه
نيتي من طرح الموضوع
( و ربي على ما اقول شهيد )
تأخذون فكرة لا غير والله…
عسب تتشجعون لا اكثر و لا اقل و اهداء و تقديم هدايا
مب شئ غريب عسب نقول خصوصيات و ما شابه
مب شئ غريب عسب نقول خصوصيات و ما شابه
المناسبه : شكر و امتنان ..
يعني لا هي ليلة رومانسية و لا ما شابه لان هالاشياء مب مال الاعلان عنه
بالمنتديات بل خصوصيات جدا جدا خاصة …للزوجين و لكن تجهيز العشاء او سويت
بطريقه حلوة شئ ممكن الاعلان عنه هههههههههههههههههه
المهم اعرف كليت جبودكم و تبون الزبدة و لكن تخيلوا لين ما الزبدة تطلع من الحليب
كم مده يبغيلها ؟؟ صبروا علييه بخبركم
قلت صبروا بلاكم جي فضوليين ما فيكم صبر
اول شئ رحت و شريت هديه و اللي ما يرومون يطلعون باي وقت اخبركم انا رحت المستشفى عندي موعد و مناك للمول ..و كل وحده ممكن تشتري شئ يناسب ميزانيتها و الشخص اللي تفكر تهديه ..الزوج..العيال..الوالدين ……
عقب ما خذت الهديه ..
رحت و خذيت تشيز كيك صغار و نوع ثاني لان ابغي اسوي شئ بسيط و مب عشاء و هالسوالف
هالاشياء صعب لما الريال موجود بالبيت ..
يمي يمي
خذيت من هالصغار بعد و لكن ما قدرت اتريا لين في الليل و طرشتهم لمعدتي الجميله
وااايد حر برع
الحين هالصور اشدخلهم بالموضوع!
وصلت البيت و بسرررررعه خشيتهم بالثلاجه
الفوقي و قفلت الثلاجه
( اهم شئ محد يشوفج وين تخشينهم لان ممكن عقب تيين
تشلينهم و تلقين العلبه فاضيه )
و الهديه غلفتها و خشيتها بالكبت و قفلت
عليها
هني اجهز الشموع اقصد ليتات ..لان ابو كتكت من كمن يوم مريض الله يشفيه و ما يتحمل
ريحه الشموع و عموما ما يحبهم و بدالهم لقيت هذيله
لونهم يتغير
المهم من ابو العيال دش الحمام عزكم الله انوسه بدت مثل
الصاروخ تجهز الاغراض
خبرتكم الهديه بالكبت .. الشموع بعد بالكبت و صينيه الشاي
بغرفه الاولاد
و الغوري كنت حاطه فيه شاي بس باقي اصب عليه ماي
و الكيك تراه بالثلاجه
المهم من دخل ركضضضضضضضضضت و شفت شبشبي يطلع
صوت عقيته
ركككككككككككككككككككككض للثلاجه
طلعت الكيك
بسررررررعه وديتهم الغرفه
و مثل الصاروخ شغلت اليتات و كنت طبعا لابسه شئ محترم
و ناديت ولدي يشاركنا و الحمدلله رب العالمين
هني تجهيزاتي السوبر بسيطه و البطاقات بطاقات ولاده العيال
الله يحفظهم و يهديهم و يجعلهم من الصالحين يااا رب
و ان المفاجاة للوالدين ممكن تحطون صوركم معاهم
او صور عرسهم كمثال..
الله يخليكم لا تنسون تدعون لنا و تقولون ماشاءالله
هالقد خايفه ليش حاطتنهم لووول اسووولف فديتكم
لانني اعرف كل هالامور عاديه جدأأ جدأأأ
المهم اكيد بتفكرون هالستيكر الاحمر من وين صح؟؟؟
بريح مخكم
هم مجموعه ستيكر من دايسو فيهم لصق بروحهم و المجموعه
ب 7 دراهم !
سكرت اليتات و ايلسنا نتريا
بما الانتظار ممل ايلست اصور !
متفيجه لا ؟؟ ههههههه اقصد متفيجه اصور الكوب بالالوان وايد صورت بس ما بمللكم
و عقب ما طلع و تفاجاة ..ولدي الله يحفظه و يجعله من الصالحين قولوا آميييين
قال بابا احبك …شكرا تسويلنا كل شئ …
( طبعا كنت مدربتنه ههههه )
الله يحفظهم لي يااااااا رب و يحفظني لهم لا تنسون
و يحفظ كل حبايبكم لكم و يسعد كل زوجين و كل العوائل
ياارب
ما في حياة من دون مشاكل و حنى مرات ممكن الانسان
يوصل لمرحله يقول خلاااااااااااااص
ما با هالحياة تعبت تعبت و يبتلي و يتعب
وووووووووووووووووووووووو
و لكن ها كله اراده الله و من بعد كل عسر اليسر باذن الله و
بالمقابل ما في مشكله ما تنحل
و لا مشلكه و لكن يبغيله صبر مع بذل المجهود و الدعاء و
الحكمه و القناااعه اهم شئ القناعة
, و السعى للتغيير حتى لو نفشل نعيد المحاولات
الحمدلله رب العالمين
المهم وين رحت ؟؟ هههه هني بعد ما هم كلوا و انا ما كليت
لانني شبعانه ما قدرت اكل
و بس شربت قرين تي و سلامتكم
و هني الطاوله بعد الهجوم .
((اللي يسمع يتحرى شئ كنت حاطه مو بس حبتين تشيز كيك !!!! )
الحلو بو صروال الابيض ولدي هههههههههههه
حفله بسيطه جدأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
و لكن متأكده و اتمنى و ادعي
اثرها يتم سنين و سنين باذن الله ..
الله يوفقكم جميعأ و يسعدكم
و آسفه خليتكم تتريون طوابير تتريون الصور
انوسه وين الصور
تراج تعبتيني خخخخخخخ
الله يوفقج الغاليه ويخلي لج ريلج وعيالج وتفرحين فيهم
ويوفقج في حياتج ويهنيج ويبعد عنج كل مكروه
اللهم ااااااااااااااااامين
ويوفقج في حياتج ويهنيج ويبعد عنج كل مكروه
اللهم ااااااااااااااااامين
رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
ما اقدر ايود عمري عن ارد و اخرب عليج في النص …………..
اتحملي لا تزحلقين و انت تراكضين
تسلمين انوووووووووووووسه دايما متميزه بمواضيعج واحب اتابع يومياتكم والله يحفظلج اهلج ويديم الموده